ديوان الشاعر ابوسامي البدري(الغريب)

[الكوح]

لابغيت اغوص في بحـر القصيـد
.....................أصل المحـار وأنقـى مـن غـلاه

من بحور الشعر نأخـذ مـا نريـد
......................انتقي ما ريـد مـن منبـع حـلاه

الشعر في داخلـي مجـرى وريـد
..................من صغر سني وأنا عايـش معـاه

أتفنـن فـي طـواريـق النشـيـد
....................يوم غيري ما وصـل لـي مبتغـاه

القصيـد بداخلـي بحـراً يـزيـد
...............اغرف من اليم واشرب من سمـــاه

واعرف إني ماني بالساحـة فريـد
................بس سهمي مرتفـع محـد(ن) قـواه

لاتناقـش فـي قصيـدي ياهـريـد
.......................دام هـذا حـد فهمـك مسـتـواه

لاتحكك خلك فـي اكـل العصيـد
................انت شخص تايه (ن) محد((ن) قداه

مايهمـن لـو تقـول ولـو تعـيــــــد
................خابرينك وجهك أقسى من الصفــاه

من ربوع مـا بهـم غيـر الوعيــــد
....................من قنص بك ضايع وخايب رجــاه

ياصغير العقـل يـا منافـق اكيــد
...................النفـاق بفهرسـك سيلـك غـشـاه

كـان ماتوبـت لأشـرح للبعـيـد
..............وأعلن اسمك اقسم بالله فـي عـلاه

ودي إنـك تسْمـع للـرأي السديـد
.............ـ......حيث صبري قرب يَاصـل منتهـاه

ومايفل اصـل الحديـد إلا الحديـد
.............ـ........وأنا الفـولاذ القـوي ونتـه غثـاه

ربعـي الويـلان يابليـس الطريـد
...............من قديم(ن) ما حد(ن) قرب حمــاه

كاسبين الطيـب مـن عهـدٍ بعيـد
...............يوم بعض الناس يخفي لـك عشـاه

من تعب بالزرع يرجـي للحصيـد
.....................والجلاسي ما بعـد زرعـه جنـاه

ياعطى الموجود عنـده يـوم عيـد
..........ماهو مثلك وجهك اقسى من الحصاه

واختمه وأقـول وان عدتـم نعيـد
....................ياوجيـه اللـي تَنَـابَـحْ بالـفــــلاه

[الغريب]

ودي أجـــــامــل وأنــافـــــــق = مثـــل غـيـــــري مـايــدور
واخلص شــغـلـي وأعمــالــي = بأســرع من لمـعــان النور
المســئـول ارفــع بـأمـــــــــه = لـوكــل اللي قـلـتــــــه زور
اتخـضــع لا قــابـلـتـــــــــــه = وأســـوي روحـي مســـرور
لوني ما دانــي شـــوفــــــــه = اقــــول لـه انـــتَ مشــكـور
جهدك واضح في ما تعمـــل = اوضــع مـن صـاف البلــور
ما مـثــلك مســئول شــفـتــه = يخــدم ربـــعـه والجمـهـــور
كل(ن) يمــدح ما ســويـتــه = ويـســطــر ذلــك بســطـــور
شــهادة شـكــر يقــدمــــهـا = ومـعـهـا هــديـــه بخـــــــــور
واكبــر دلـيــل المـاقــلــتـه = قـــدام المـكتـب طـــابـــــــور
يبحــث عـن حـل المشكلته = حيـثــك عـليـــهــم صـبــــور
تسمع للعاجـز والجــاهــل = واللـي فـي حـكــيـه مـطيـــور
ياحكمك من شخص فـاهم = عنـــدك تـيـسـيــر الامــــــور
لكــن المشـكــل يــاربـعي = انـي بــدري مــن الـبـــــــدور
ماعرف انافق وتجامل = ربـــي خـلقـنـــي مســـطـــور
نفســي عــزيــزة عـليــه = مــا تـقـبـــل قـلــب الامـــــور
هــذا هوطبعي من مبطي= مـن قــديـمـــات العـصـــــــور
ونعم في كـل الجماعــــة = مــا يــهـابــون الطـــــابــــــور
فزعتهم تجلـي الغـلـيـلـي = يــوم السـلــف والمظـهــــــور
برياسة دحام المعـجــــل = فعــله معـــروف ومخـبـــــور
2-10-1430هـ

[الغريب]

نحمد الله في ســلامـة ســـيـدي واجـب علـينا=مـن أيـديـن الغــدر, جاحـد, فعلته فعلة جـبان
ياوطنا عشـت شـامـخ رغـم حقــدالحاقــديــنا=رغــم حـقــد اللي تنكــر,والعهد خانه زمــان
خـان ديـنه, باع عقـله, عـق اهـله هـل للعينا=خان من حاول يعيده من مغريات الشــيطـان
وكلنا عنـد المنــادي حــاضــريـن وجاهـزينا=جـاهــزيـن للمــلاقــى بالفـكــر وإلا الســنان
ويا خفافيـش الخـرايـب غـركم إنا مسـامحينا=تحسـبـونـه ضـعــف منا لا والله هــذا حــنان
قائـد(ن) يعطف بشـعبه لاكـن انتم مجرميـنا=وش هــدفكــم علمــونا كــان بيــديكـــم بــيـان
فكركم فكر(ن) محجـر,بل تحجـرمن سْـنينَا=من مشيتوا في طريق مخالف اللهـدي الرحمن
وش هدف من باع نفسه لأجل قتل المسلمينا=وش هدف من غدرشخصٍ وسط بيته برمضان
الهــدف واضـح وبين حقـدهم حقـد(ن) دفينا=ودهم تـدميـر شـعب(ن)عايش في امـن وأمان
وبإذن ربـي كـل عـام(ن) كل ابونا ســالمينا=ولا علينا لمـن تنكــر للــوطــن هـــذا خــوان
8-9-1430هـ

مناسبة القصيدة سلامة صاحب السمو الملكي
الامير /محمد بن نايف بن عبدالعزيز آل سعود
مساعد وزير الداخليةمن المحاولة الاثمة التي استهدفة حياته من الارهابيين.

[الغريب]

ياراكب اللي صــوتها مـاتمــلــه=بنز(ن) جديدة ماصنعوها بغشامه
منوة غريب(ن) صاحبه طاريله=لــوكــيــم الطـبـلون مـابـه مـلامه
تلفي ابوفيصل على طول قله=وصلني المكتوب ويا ســـلامه
يامــرحبا مليـون والفـين فُـــلـه=للي فــي قــلـبــي عارفين أحترامـه
الخال في قلبي عــزيزن محله=وفــوق الثــريـاء عـالـياً في مقامـه
ولاني عليك بزود بالطيـب لله=انتـه رقـيـت الطيب بأعلا سـنامــه
وترى الذي سويت يالقرم كله=شــيءً قـليــل ولا دفعـنا غـــرامــه
وانت الذي من تاه شورك يدله=وينور اللي ضـاع وسـط العتامــه
وانا اشهد ان البرمحد(ن)يملـه=ايــريــح اللي زايــد(ن) به اهيامه
وطردالحباري والغصون المظله= هي منوة اللي مايهاب الظلامه
والـوقــت هذا يابوفيصـل مذله=واللي يطيـعـه صـاركـنـه اهـلامه
بس لاتطيع الوقت لوصار زله = وكثـرالحكي اكيد يرث مــلامـــــه
وترى الـذي بيـروح ماعاد لله=احــلام ليــلاً طـايـفـات (ن) احلامه
ويالعبد رزقك عند ربك محله=مـكتـوب لك باللــوح قبـل القيامـه
وترى الردي دايم على الكبد عله=يغـــث من يـاتـيه بكثرة كلامه
الله يـريـح لابـته مــع هَـلْــلْه=الخــايــب الجـابــان مثل النعامـــه
اللي لياجــالـه رفـيـقــه يعلـه=ضـعـيــف فكـر ولا برأسه كرامـه
وصلاة ربي اعداد هالوقت كله= على النبي اعداد رش الغمامه
شـفيعنا يوم الخـلايـق بــذلــــه=يوم(ن) كل(ن) ينتظر للسلامة6/6/1423هـ

[الغريب]

مبداي باسـم اللي خذل صاحب الفيل = جيش أبـرهــه خـلاه عبـره لغـيـره
ارسـل عـليهـم مـن ســماه الابابـيـل = وهــزم جنود الكفـر بضعاف طيره
وحنـا فـخــرنا بكاســبـين التـنافـيــل = آل ســعـود مـواصـليـن المسـيـــرة
ال ســعـود أمحـرْقـيـن المعـامـيـــل = ريـف اليتامى والشـعـوب الفـقـيـرة
الياعطـو يعطـون مـن دون تقلـيــل = مـن فضـل ربـي مـدهــم بكل ديـره
ويـوم(ن) زبنا جارنا بآخـــر الليــل = مفــاده الأوضـــاع جـــداً خـطـيــرة
الجـار ينخـى وينكم يا رجـــاجـيـــل = بكـويـتـنا الاوضاع صارت مــريرة
جات الاشارة من ملوك(ن) حلاحيل = تجهـــزوا بسـلاحكــم والـذخـيـــرة
مَعـاد فيـها مهـادنـه..طافـح الكيـل = ولا عـاد نبغـى مشـاوره او مشـيـرة
حنا قـدمـنا..ضد مـن حاول ايعيـل = انقـــدم الارواح بــأرض الجـــزيــرة
بقيادة المعجـــل نســوى التهاويل = دايـم نصــر..ما نعتــرف بالكســيــرة
اشاجعه شجــعان جيل بعــد جـيـل = ياعــــز منهـــوا بالمـثــارا نـجـيــره
ما همــنا كثر العـــدد والأزاويــل = نـدحم على الطـابور..عزم وجسـيـره
افعالنا تنشــاف مـن غـيـر دربـيـل = كـل ذكــرهــــا باللــيـالـي العسـيـــرة
عــدونا بالكــون شــاف البهـاديـل = نصــد بالـــردات نـــاس مـغـــيــــره
وعاداتنا لضيـوفـنا نــذبـح الحيـل = حنا الكـرم وأهـل الـوجـيـه السـفـيره
وأهل الدلال الفايحه بُن مـع هيـل = وأهـل السيوف المرهـفـات الشطيرة
ومعــدلين اللي بغـى عقـله ايميـل = أهـل النــذالــة والنفــوس الحـقـيـرة
واللي يعـاديـنا يشـوف الغــرابيـل = يون ونت من اعـظــامــه كسـيــــرة
النوم ما يـدنـيـه ويراقب اسـهيـل = ويقــول ياحـــظ النجــوم السـهيــره
وتاريخنا معروف من دون تحليل = محـفــوظ بصـدور الـرجال الخبـيرة

[الغريب]

ابدي باسم الله وأقــول
واصلي على الرسول
كــلامـاً كلـه معـقــــول
مــاهـو حكي مهـاترات.


امدح ربــعي هل الكار
احراراً من نسل أحرار
بنو أشجع سـيفٍ بـتار
معـروفـه يـوم الغـارات.


المعجل احْمول الخيل
معروف وخذلك دليل
ليــش الغـلــط ياهـبيل
مـاتذكـر ذيك الغــزوات.


البــــــدور وبـــلاعيـس
كـسـابـيـن النواميــس
ماهــو كـلامك يالهـيس
حقيـقه ماهـي مــراوات.


ونعم وان قلت امهيوب
يخلــون العايــــل يتوب
لا مشـوا جـاك المطلوب
معروفٍ وقت الفــزعات.


قلــت اخليفات ونعمين
مــرويـــت حـد السنين
يوم المـلاقــى صـلفين
ماهو خرط وهـرطـقات.


وجَمْعنَا خمسـة اجْمـوع
ونجمنا دايــــم بطــلــوع
والعايل نصـــوعـه صـوع
فِـعـْلٍ مـاهــو تخـمينات.


بنـو أشجع يا نعم الناس
فعلهـم يــرفــــع الرأس
من قبل اكليب وجساس
معروفه مـن وقتٍ فـات.


بنو أشجــع ياعـزالجـاــر
طيبٍ مـــالــه مــن قرار
وما يهـابـون الاخـطــــار
لهـم صـولات وجــولات.


وبالنهايــة حـنا اجـــلاس
من ضنا مسلم أســـاس
ماهــي سـوالف جِــلاس
ناسٍ تحكي بالفضــــوات.

20/12/1429هـ

[الغريب]

دحام ابن معجل عسى الله يـرحمـه = شـيخ يِنومـس بالفعـال الجـلايـــل
عسى شـعيب القبــر تنبت مسا يله = بالشيح والقيصوم والسـيل ســايـل
ويمطـر على دحــام غيــمٍ مــديــم = الفـارس اللي عــارفـتـه القـبـايـــل
دحـام مامثلـه ذِكِــرْ ف الفـروســه = فِعِله عـجيب ولا يبـي لــه دلايـــل
كم غـارةً فـرق مجامــع افـهـودها = يشهــد لـه الـتاريـخ واعـيال وايــل
والكل خابر يوم الاشـقـر واشـيقر = وشــلون فعل الشـيخ فعلـه هـوايـل
يدحم على الطابور شيءً موكـــد = ماهـمـه إلا فـــك شــقر الجــدايــل
ومهما حاولت اني اعـدد خصايله = يصعب عَلَيِهْ حصر كل الخصـايل
معجـل حمـول الخيل كلٍ مـدحهم = ريف الصديق وسـم من كان عايـل
عند الملاقى لا أنتخو باسم جدعا = راحـت اعلـوم مـناطحيهـم فـسـايـل
هـذي قليله قـلتها في جـمـاعـتـي = ربعـي اجْلاس ومن زحول الحمايل


24-10-1429هـ

[الغريب]

الله على بنــز(ن) كمـا الـبــرق نـوره = يا شـع نورة يقســم الخط ســيدين
اللي صنعــها مـا خــــذى بالمشــورة = شـوره برأسه ما سـرح بالبعـارين
يا من مشى ما يشـعـــرك بالخطـورة = ينعشـك مشيه لا مشـى دون تقـنين
طبلــون عــداده عـجـيـبة اســطـــوره = زينون نــورة كنها رسـمت السـين
ماهـي عـــراوي صايـبتها احْــروره = يفــز لآمــن لامســه ريـح بنـزيــن
لا يمكــن انــك تشـعــــر بــأي دوره = مـركـوب نـاسً ارصـدتها مـلايـين
ناصـل بـه اللي يعجـبـونك حَضٌـوره = اهل الكريم والطيب ناسٍ عـزيزين
اعيال وايـل كـل ابــوهــا امْخَـبٌـورة = متـوارثـيـن الطـيـب ناسٍ كَـرِيمِـين
اعيال وايل كـالبحــر بــل ابـحــوره = عـز الصديق وضد من قال صعبين
وانـــا اتـمـنــى الـوقـت يـفــر دوره = حتى نسنع من غـدى خـاطـره شَـين
وأقــول للي مفتخــر في اقـصــوره = المــال يجْـمَــعْ دوم عنــد الرد يـين


16-10-1429هـ

[الغريب]

1- يوم أتـذكـر مامـضـى مـــن زمــانــي = مـا راح ما يشــرى بغاليـت الأثمـان

2- العمـــر يمـضــي مثـل عــد الثــواني = والورد يذبـل من صواديف الأزمان
3- ويــوم افـتـكـر به صـدق يا مودماني = فكــري تلخبـط كـن فـي داخلي جـان
4- فكر بوضعـك يــوم عــد الحســانـــي = يوم الحســاب ومنكـرً قـال لك حــان
5- حــان الحســاب اللي نسيـتـه وزاني = للي صحــا يفهــم تسـلـم بالإيـمــــان
6- وأنـت غـديـت بوسـطهـم لك غـواني = ماهو طرب لاشــك زوغـات الأذهان
7- مـالــك جـــدى ياكــود عــظ البَنَانِـي = ولا يفيد عظ الكف لاصــرت غلطان
8- والعمــر فـانـــي بس لا تصيـر أناني = دام الــولي مغنـيك لا تصيــر مــنان
9- وأحفــظ ألسانــك لا يـــزل اللســاني = كــم واحـداً من سـبت ألسانه أنهان 
10- وصلاة ربي أعداد ما الوقت حاني = على النبـي المصطفـى نسـل عـدنان20/11/1428هـ

[الغريب]

ماني عـايـز شـيـل وحــط =مع غبـي(ن) قـام ينـط
ماهــو عـارف وش يقــط =رده عـليـنا مثاراه
وبعض البشر طبعه شين =يـزعــل لاطـلبت الدين
ويسـوي حـالـــه مسـكين =وحقي مايداني طرياه
ويـوم أنـه جـالك يطلبـك =باخـلاقـــه كلـه يعجبــك
لا كـنـه وده ينـهــبـــــك =حـقك لا كن مـن غباه
وأنا عــارف هـذا النـوع =رسمه في عقلي مطبوع
وحتى لومات من الجوع =مايهمـني منتـــهــــاه
بعـد الي شـفـتـه ياخـوك =صـايرله مثل المـمـلوك
أطلـع من لعبـه صكوك =وضيـع حقي وين اللقاه
اولها سـلفـت صــــديق =والتـلاهــا صارت تعليق
وصاراللشوفي مايطيق =ياالله يـاربي تهـــداه
يطلبني تكفــى بعــديـن =هالحـيـنه ماعنـدي شـين
بكــره تمــرن قــل زين=وليا جيـنـا مـانلـقــاه


26/91429هـ

[الغريب]

سلام الله سـلام من الـولي من ربنا الرحمَن
-------------------- على ربعي بني وايل هل طولات بالشِدة


فعايلهم لها دور(ن) صعيـبه تنحصَى يفـلان
-------------------- واللي جهل فعايلهم هـذاك الي قصر حَدة


زمان الخيل وأهل الخيل اسوداً داخل الميدان
-------------------- فراسـتهم حقيقيه ضـارين بْرَدْه ... ورده


صغير الربع لا قابل يعدل فارس الفـرسان
-------------------- حقيقة ماهي احميا وكـل عــارفٍ جَـــدة


بني وايل عزيزة من قديماً من نسل عدنان
-------------------- وكل الناس تعرفها هل الجـزلات بالمَـدة


ولا ننسى بعد قحطان نعم قحطان لآمن حان
-------------------- فعـايلهـم مهيـله منهـو اللي يقــدر إيعـــده




ملاحظة

كماتعرفون قحطان وعدنان اخوان وهذا اللي قصدته.
10-9-1429هـ

[الغريب]

هل تموت المشاعر مثل مـوت الــورود =مشكله كان ماتت عند بعـض البشــر
داخل الصدر صاير مثل صوت الرعود =قبل معـرف جفاها وحالتي في خطر
كيف وان خالفتني واخلـفـت بالـوعـــود =بكـل تأكـيـد روحــي رايـحـه للـقـبــر
كنـت احسـب المحـبه لامشـيته اسـهـود =واكتشـفـنا حـلاهـا مــر مثـل الصبــر
اخنقتني العبره وصـارت البيض ســود =وفي ضميـري تجمع كل هم وحضـر
يا الله انـي دخـيـــلك طـالبـك لا يــزود =هــم حالي سـببها كـان حـان السـفـــر
ويا حبيبي تـرفــق لا تعــدى الحـــدود =ما تحمـل افـــراقــك بس هــذا القـدر
آه غــدر اللـيـالـي صـدق لا قيل ســود =ولعـت في ضميـري حـر مثل الجمـر
بس بصبــر وأقـول يمكـن انه يعــــود =خلي اللي فقــدته أمس بعـــد العصــر22-8-1429هـ

[الغريب]

أبي أطرح مشكلة قلبي على اللي عنده ادواته = أنا اشكي قلبي العاصي على اللي فيه هقواتي

حاولت أخلي الماضي وأبا انسى كــل آهــاته = ابا اســلا عن حبا يبنا عـن الماضي وما فاتي

لاشـك القـلـب ما طـاوع يعيـد اللي بطـيــاته = شــريـط الماضي ايعيــده ومعـه تـزود وناتي

معــه تـزود أحـزاني معـه أعيـش حـســراته = شـقـاوتة قـلـب عـذبـني ولا يسـمـع نــداء آتي

ألا ياربعـي الفـزعه عـقـلي ضـرب فيوزاتـه = صبرت بمـا مضى لا كن أخاف من الذي آتي

حاولـت أجْمعـه وأجمـع قليله باقـي أشــتاتـه = ولاكني مــعَ هـــذا يـزيــد الـوقـت بأشــتـاتــي

ألا يــارب ياعـالـم ألا يــا مـحيـي أمـــواتـه = تـزيـل الهــم مـن قــلـبٍ يعـيـد اللــي بـطــياتي3-8-2008م

[الغريب]

جـــل ربً خــالقــك مثــل الـبـــدر= مــن يشـوفـك قـال بسـم الله علـيـك
من يشـوفك قال منـت من البشـر=ومن يشوفــك قال حسن الكون فيك
الشـــفايــا كـنــهـــا وردا ًحـــمــر =حــــظ مـن يقــدر يـمـرك أويـجـيـك
من يشـوفـك لوفـي حال الخـطـــر =قــام صاحـي بس مـن لمسـة يديـك
عالـج المـجــروح لايـروح القـبـر =كـيف تـقـتـل عـاشــقً قـلـبـه يـبـيك
والعـــــذرمـابـيـه ولانقـبـل عـــذر =كيـف تـتــرك واحــداًمخـمـــورفـيك
مـن سببكم ساهـــراً حتى الفجــر =ومن غـلاتك صـرت لعبه في يــديك
ارحــــم المخـطــور يانـورالقـمــر =انـت لـوحــدك فـي روحـي شــريك
انت شــوفـك مثـل بستانً خضــر =يفـرح النفــس الحـزيـنـه يا مـليــك
ودي اشـوفـك قبـل هـذا العـصــر= وانـت تقـــدر لاتـعــــذر فـي اخـيـك

[الغريب]

سكنت في عرعر ولانـي بـرايـق =وبالعكس ضايق دون ما عرف الأسباب

مدري علام البال حـيل متضايـق =كني غــريـبٍ عــايـش بـديـرة أجــنـاب

أحـس قـلبـي مـا بقــا به عــلايـق =ساعة طويت الفرش وأغلقـت أنا الباب

هذا شعوري يالـربـع والحـقا يـق =سـطــرته أبيـتين من قــلـب مـن صـاب

الرياض ما مثله بها النور فـايـق =ارض الثقــافــة والمعـــزة والأحـــبـاب

عندي هـواها في جميع الخلايـق =وزحمــة شــوارعها لها القـلـب حــبـاب

وما ظنتي قلبي على البعد طايـق =ودي بــديــرة ربعـنا , هم والأصـحـاب


20-7-2008م

[الغريب]

أنا بـعــون الله عـزيـزاً ولاحـتـاج=غيرالحنان اللي خـفـوقي رســم لك
ياغصـن ورداً نابـتً عنـد هــداج=يـمـيـل لاهــب الهــوى ونثـنــى لك
ياصاحبي زينك زهى كنك العاج =سـبـحـان ربً كمـلـك وعتــنـى بــك
زينك طبيعي ماحوى الخد مكياج =والعـقـل كـامـل والــولـي كمـلـه لك
الجسـم كـن ملامسـه سـلك ديـباج =ثـوب الحـرير مناسـبً يالغضي لك
حوليت زيناً ماحوى لابس التـاج =بنـت المـلـوك المتـرفـه تنـحنــي لك
وسلام مني اعداد مابالهـوى داج =من طير ووحوش الفلا يالغضي لك

8-2-1417هـ

[الغريب]

ياصبـاح الخـيـر ياهـــذا الصـباح
يوم شـفت الزين مع وقت الشروق

أعصفت فـي مُهجتي مثل الرياح
ووقـفـت في داخلـي كـل العــروق

وقلبي المصيوب رفـرف بالجناح
مالـه إلا يشـوف ويناظــر شـروق

قبل أشوفه ياجمـاعـه كنت صـاح
وبعد شوفه غصب من بابي أسوق

صابني بالقلب مـاهــو بالمــزاح
صابني بالقـلـب فـي فـنـــن وذوق

والله أني طحت من طعن الرماح
من عيــوناً تـودع القلـب محــروق

من تولـع بالهـوى تـرى مستراح
حالتـه صعبـه ولا لــه من حقــوق

ما ينـام الليـل مـن كثـر الجِــراح
من كثـر مافيه من شـخصٍ عقـوق

يـاشـبـيه الـريـم ياظبـي الضـياح
ياجميـل الـروح شـوقي زاد شــوق

شوق ضامي مطلبه ماي القراح
بأرض صحراء.لكن شوقي له يفوق

اسـتلـم مـاقـلت. واقـره بـرتـيـاح
عسى صبحك فُـل..طوقٍ فوق طوق



ملاحظة: سبق وان نزلت هذه القصيدة لكن أضفت عدد من الأبيات
عليها .. كذلك تم تعديل عدد من البيوت السابقة..
هذا مادعاني إلى إعادة نشرها.
أبوسامي البدري (الغريب).

[الغريب]

من بعدكم صرت ياخلي عليـلم=ا اميز وين صحي من خطـاي
مستحيل الوصف فيكم مستحيـل=ياشعاع الشمس ويا شمعت سماي
الخـدود الناعمـه ورداً جميـل=والعيون الناعسه تحرق حشـاي
تجدْ جرحـن بقلبـي مستميـل=للشفـا لاشـك ضيعـتـي دواي
ياعنود الصيد انا عندك دخيـل=من عيونك فرحمينـي ياهـواي

13-12-1417هـ

[الغريب]

طالع من السوق مع وقت الصلاة =وصادفـن بالـدرب ريـم مـدلعي

يابوماهــر يوم شــفت الغـاويــات =ارتبكت وطاحت اغراضً معي

اشهد اني من حــلا حلو الصفات =حـار عقلي ليـت ابوعــادل معـي

زاهـي المجمــول في لبس العبـاة =زول ريماً بالصـحــاري مـرتعي

كامل بالــزين مـردوع الشــفـــاة =ومن عذلني عن هواهن مسمعي

29-9-1416هـ

[الغريب]

ضمني ياعشيـري حـن واعـطـف عليه=لا تغلـى عليه وأنـت طبعــك شــمــالي

شوف حالي بعدكم كيف وش صار بيه=شوف وش صار ليه من بعـدكم بحالي

منسببكـم مـريض وعلتـي بـي خـفـيــه=عـالـج جـروح قلبـي ياحسين الـــدلالي

ضمد جروح قلبي وراع حالي اشــويه=اسهــر الليل وحــدي فيك مشغول بالي

واشهــد ان الهـوى مافيه نفسً هنيه=عـاشـق الحب يتعب دون ما رأس مالي


5-10-1427هـ

[الغريب]

الحـب نجـمـه طـبـعها بالسـماء فــوق=ماتنحـدر من يوم ربـي خلـقـــها

ولإ البشر ما اضن في خلقها فــروق=بس الوفاء عن بعضها قـد فـرقها

والشوق كنه طلعت الشمس واشـروق=يطلـع ويـطـفـي والنفوس يحرقها

وأنا الوفاء فيني طبع شـيء مـوثـوق=احفظ عهود الحب وغيري خرقها

بس الوكـاد اني من الخلـق محـروق=عـلـى الـذي كـل الـوناسـه سـرقـها

16-10-1427هـ

[الغريب]

شـوف الـربيع وشـبت السـمـر باللـيـل00والوقت قمرا دون غيم وضبابه

في وسط روضً مخضراً من بعد سيل=يدله به اللي ساطين به صوابه

ينسـى وليفه وسـط ضـحـك وتعـالـيــل=وسـوالفً بعلوم خيـر الصحابه

وفـنـجـال قهـوة زايــدن داخـلـه هـيــل=وشـاهي مخـدر جنبها ياقــرابه

وشاعـريجـرالصوت لحــن ومــواويل=ويـرادده مــوال قـوس الــربابه

هاذي حــلات العمـر من قـبـل لاتشيل=من قبل عمرك لايجيه انحطابه

5-12-1428هـ

[الغريب]

قلبي عـصى مايطيـع الشـور=ولا يطيع في حـب غـالـيه
اللـي جبـيـنه شــبـيــه النــور=وعيـونــها عـيــون ريـميه
لا شـفتها صرت أنا مسرور=ومبســوط مـيـه علـى ميـه
ومن شان حبه قطعت بحور=ومايهمني وش حصـل ليـه
ورعي الهوى لوغلط معذور=يمشــي علـى غــيـر داريـه
ويازين لا تكشــف المسـتـور=خـــل العـبــايــه كـمــا هيـه
هاذي نصيحه تطيع الشـــور=الــوجـــه لا تكـشـفـه لـيـــه
جمــال وجهــك كما البـلـــور=ومــلامـحـــك ذي شــماليـه
ارجوك تعطف على المخمور=اللي مــن شــانك ترك حيه
لاتكســر قلبـي وأنا مكســـور=من ســبـت البعــد يـابـنـيـه
وأخــر كلامي ترى مشــكـور=بصـبـر على اللي جرى ليه

[الغريب]

الله على اللي مـا أبْـديــه امخــوشــه =جيــبً جـديـداً يـزْبنـك يوم تنـحـــاش

الجيب ؟ لكـزس يابن وائــل أنقوشه =مـن شــافـها مـن رســمها غـير ينـداش

ماهي عـراوي و الماكينه مغَشوشه =شي(ن) يهيلك لامشى يرعش أرعـاش

يفـــز ما يـدنــي وقــوده تنــوشــــه =صفرة اقزوزة لاصفر تَخْرش اخـراش

ودي بمثله بس من ويـن أحـوشـــه =وراعية حـدة وطـالب(ن) الثـمـن كـاش

بنصابه اللـي خــادراتً أرمــوشــه =الصاحب اللي بعـدها صــرت مـنـداش

وطلبت ابوها قال جب لي اقـروشه =حضر أقـروشـك شغلنا كاش..في كاش

وبالـدين مانعطـيـه لوا صار دوشـه =ولولا خـويـك ؟ مـافـرشـنالك أفـــراش

والظاهـر انه صـدق بتصير لوشـه =بخطـف رفيـقـي فـوق جمسي وبنحاش
19/11/1428هـ

[الغريب]

يارساله ليت من يسكـــن مكانـك =لجل دايم عند من يطري علينا
آه حظك واشهـد انه طاب فـالــك =يوم يقــرا في حـروفـك علمينا
وابلغيهـم يارســاله مـاطــرالـــك =واخبريـهم عن غلاهـم ماسـلينا
وعلميهم حبهـم في القلب مــالـك =مـالك عـقـلـي وروحي وليـديـنا
العيون الســود كنه ليـل حـــالـك =وعذاب القلب من صاف الجبينا
كان خلي ماحصل من جد هـالك =ويل حالي كـان ما يقــدر يجـيـنا
والله أن الحظ مبطي ما صـفـالك =دايم (ن) نايـم عسـى ربي يعـيـنا
ياشريك الروح دام الـدرب سالك =لا يهـمــك حكـي كـل الحاسـدينا
لايهـمـك كل ما صـار وجــرالك =دامـنا فـي صــدق والله مـاعـليـنا


22-2-1429هـ

[الغريب]

ناسً امــره والله يحــيـر= ومن الصعب انك ترضيها
ان ما جيت قالولك سيـر= وان سـيرت كأنك معاديها
من ماشاف عقلي متحير= يالله عســى انـك تهـديــها
هـذا صغيــر وذاك كبيـر= وهــذا حـالـه شــيـناً فـيها
وهـذا في مشـيه متطيـر= حتـى نفـســه مـا يـدنـيـها
دنيا امرة صدق ايحـيـر= العـالـم وش حـاصـل فيها
سيرت وكل ساع اسيـر= والخــيـرة مـانعـلـم فـيــها

15/2/1417هـ

[الغريب]

الله من قـلب هـمـــومــه عظـيمه
وحالي من الأحزان صارت سقيمه
والعمـر عندي صارمــن دون قيمه
ولايهمني لوجان خطاف الأعمــار


تكفى حبيـبي لايـطـول أغـيابك
لاغـبت عنـي زاد فيـني عذاـبك
اعطف على الله يخلي شــبابك
ولا تصير يالمجمـول للحـب نكار


الحق علي اليوم لاتقـول بعـديـن
قبـل لايموت بسـبتك هالمسيكين
أنا حزين ومخطـــــرا يكحل العين
أحرقـت قلبي يريش العين بالنـار


ورعي الهوى دايم علاجه صعيبي
مايفيـد بـه لــواراح يــم الطبيـبي
واللي يفـيده شـوفـتـه للحبـيبي
بعد المغيب وقبل طلعات الأسحار


وأنا علاجي بـيــدكـم يابـــــدويـــه
عالج جـروحي بس واعطف عليه
وأنتي فـهيـمه عــاقــله عبقــرية
وأنا تــرى بلشـه ولا اقبل أعــذار


قــالـت لي اقلـط عـادتن عندنا دوم
وابشر نفكك كانك إنسان مضيــوم
وان كان تقصد شي ماهوب مفهوم
ماعندنا لك غيــر قهـوة بمسـمــار


قلت العذران كان يــازين مخطـين
وأنا تـرى ياصاحبــي أطلبك ديــن
ذبحتـنـي والناس يالترف ممسين
بليا خطيه تـذبحن بس وش صــار


رد0الحقيـقــه أنت شـخـصً أناني
نسيت كل اللي حصل من زماني
وشلـون تنسى ليش يامــودماني
والآن جيت تقــدم العــذر بشـعار


قلـت الحقيـقـه ما نسيتك ثـواني
لا ولــذي بشبـاك حبــك رمــانـي
وأنا أطـلبك لاتصيـر مثلي أنانــي
خلك كريم وللخطاء شخص غفار


قال العـذرمن شـان حالك قبلــناه
لاشك لاتفـكر اللي تبـي تلـقــــاه
وخل الهـوى لاتعـود بس أتحـداه
ترى الهوى يوردك غبات الابحـــار


قلت النصيحة منك مثل الهديه
أبي اقبلـه يابنـت غـصبٍ عليـه
يكفـي وليفي عـزوتك وايـلـيـه
وعيال وائـل دوم وافين الأشبار


22/12/1428هـ

[الغريب]

طالـع المكتـوب وافهـــم باختصـار=ودقـقـه لحظات والإســـاعتـيـن
مـن يتِـيــه أبليـل يصحــي بالنـهـار=ومن يضيع الظهرماله مرشدين
واعْـِرف إن العمر لحظة من نهـار=وكان طول كم يطول من سنين
واعْـِرف إن الآخـــرة دار القـــرار=وكل شخصٍ رايح أعلومه تبين
واعْـِرف إن في الآخرة جنـه ونـار=ورحمــة الله واسـعـة يامسلمين
واعْـِرف إن القـبــر مـامنْــه فــرار=دار قـومٍ ســابقـيـن ولاحـقـيـــن
واعْـرف إن الحـظ مافـيــه اختـيـار=مثل حظي نايم (ن) يا الله تعين
لا لقـفـتــه فـارحــن بـه مـن يســار=خـالـفـاً حظـي وروح من يمـين
حـط حظــي بينـي وبينـه إجـــــدار=مايبـيـنـي مثل حــظ المسـعـدين
ودي بخيمـة وفي روض وخضـار=بأرض قفـرا خاليه من الساكنين
وأبــي ادوج مـعــى ذيـــك القـفــار=حتى نفسـي من عناهـا تسـتكين
ننبسـط من قبـل لايفــوت القـطـــار=ورزقي ادري بيد رب العالمين
وادري إن العمـــر دايـم بانـحـــدار=ولأنتها يومـك مـايفـيـد الـونيـن
واختمـه وأقـول فـي كـل اختصــار=دقـق المكتـوب وفكـر لحظتـين


18/12/1428هـ

[الغريب]

كــن الغلاء من بينـنـا جـد مـاصــار= والقلب في ماصار حاير حـزيني
دنيا تفرق دون مـا ســابــق إنــــذار= كم فـرقـت مـن قـبـلـنا ياضـنيـني
هذا نصيـبـي يارفـيـقــي والأقــــدار= واللي على الجبـيـن لازم يـبـيـني
ماني لوحدي من تجرعت الامــرار= ناس كثـيــرة مـثـلـنـا يا خـديـــني
جالس لوحـدي بآخــر الليـل ســهار= أتذكرك وأقــول وش صار فـيـني
ماكنت اصـدق انـك إنـسان غــــدار= واللي حـكـالـي مسمعه من حنيني
والله غـريـبة كيف تنسين مـاصـــار= مـن بـيـنـنا يـومــك لـنا تمـدحينـي
يومك على شوفي تسـوقــون تبـشار= واليـوم بـعـد الـود لـي تجحــديني
ولا ودي احكي في خفيات الأسرار= واللي حصل في ماضيات السنيني
لأنه بقـلـبـي لـك معــزة ومـقـــــدار= وحيثك مُنى روحي وقلبي وعيني
ولوقر بكم يشــرى بغاليت الأسـعار= كان اشـتـريـتـه كـاش وإلا بـديني
هــذي حقـيـقـه خـذلـها صـك تذكار=عـنـوانــها النــكـــران يا نا كريني
بصبر على ما صار والوقـت دوار= يمكـن يــدور ويمـنا تــرجعيــنـي


13/2/1429هـ

[الغريب]

يابـورحـمـه تــرانـي راح حالـي عــدام =يوم قـالـوا عـشـيـري اهله زوجوه
من فـراقـــه حزين وعايــشً في ظـلام =لازم يشـاف وضعي لااضيع واتوه

لاحصــل والتـقـيـنا عشـت جـو بغمـام =شـيء ثـانـي اعيشه جــد ماتعـرفوه
وان قتلنـي عشيـري قـتـلهـا لي ســلام =ياهلي وان قتلني صاحبي سامحـوه

وســط حمـر النهود وتحت لثمــة هيام =حطوالقبـرلِـيـه بـس لاتـــزعـلـــوه

وكل مــاقلت والله يابـورحمــه احــلام =الحـقـيـقــة خـفـيـه وين من يعرفوه
عرف الوقت يفرق عام ترى غير عام =يمكـن العــام هــذا يفارق عني ابوه

همـت فـي حـب خـلـي آه شِـين الهــيام =كــل ماقـلــت بأعقل مرني لعن ابوه

ياقــرابـه بــــلايـه خــــدهــا كـل حسـام =لمـعـتـه يازميلي , ليش بس اغصبوه


15/4/1419هـ

[الغريب]

افرح ليامنْه وصل صوت خلي= عبرالخـوط مقــــربـات المسـافات
صوته يسـليني وأنا في مَحَلـْي=الصاحب اللي حط بالقلب عاهـات
ليه ثمان اسنين مشغول باللـي=عــدى علـى قـلبي بـلـيا مشـورات
اخدودها لاشـفتهن يَسْـحَـرَنْـي=اصير كني عـايـشً وســط غـابات
وعيـونــها لامنهـن نَاظَــرنْـي=احس وسط القلب قصفً وغـارات
لاشك انا مبسـوط لو يَقصَفَنْي=قصف الأحبِيِبْ يسعــد القلب بالذات
مبسوط انا بالحيل لو يَحْرقَنْي=ولاصرت راضي ماعَلِيه مـلامات



15/2/1427هـ

[الغريب]

يا الله طلبتــك وربــــي لاتـخـيـبــنا = في ديمــةً تـودع الـريضــان ملــيانـه
في ديمةً سـيـلـها لاهــــل يـعـجـبـنا = رفـيـف بـرقـه يفـرح حــال تعــبـانــه
والروض سايل وسيله جد يطــربنا = شيً أيرِيحْـك شـوفـه وسـط غــدرانه
ويا عــاشـق البـرْ, بـرْك ما يناسبنا = مـاغيــرعــجً وســـافي بيـن جيـلانه
ويارب راحماك خفف من مصا يبنا = في رحمتك طامــع والنفس طمعـانه
ماصار معـروف كلـه من ســبا يبنا = لاشـك رحمـاك ياللـي عالـياً شـــانـه
تلطف بنا لا حضــر من قـام ينـدبنا = كل في اســمه يِصَــوت بـيـن خـلانه
أما أسْــتلمنا الشهادة وطاب مشربنا = والإ رســبنا بـها والنفـس حــزنـانـه

[الغريب]

لاصــرت مـؤمن في تصاريف الاقـدار= اصبر على بلـواك رغــم الحــقـــودي
ولاتــأمــن الاقــــدار والــوقــــت دوار= والنـاس واجـــد مـن امـثـلاك شـهودي
العقـل حـار وداخــله رُزمـــــة افــكـار= ومــــن الصـغــر لليـوم دايــم تــزودي
لاشـك يـاقلبـي تجهــــــــز لمـســــــيار= يم الذي من جــاه ســيـجـــد ســـجودي
بيـت الله اللي يلثمــه كــل مـن حـــــار= يطــلــب مــن الله لاتـبـيـح الســـــدودي
واللي ترى بي غوص مـن شان محار= المـقــصـــــــد الـؤلـؤيـجـيـــبه بــزودي
والحض لاعاكس مشى فيك الاخطـار= انتَ تـحـــت والخلــق تطلـع ســـنــودي
لاشـك بصبر لين ما اصـبـــريحــتـار= من كثـر صبــري,الصر ماله حــدودي
الحض سـافي مع عواصيــف وغبـار= والأرض ريـغــا؟ كـيـف تبغـي ركودي
والناس مثلك واجد(ن) شافت اخطـار= ولاتصيــر يأبـن أدم لـربـك جـحــــودي
أصبرعلى بلواك يا صـار الي صار = وجــزى الصبــر تلـقــاه وسط اللحــودي


22/3/1429هـ

[الغريب]

تكفــى كفـيلي خــلنــي بالحــراجـــي =أشــاهـد اللــي دايــــم لــه يـــزورون

مافيه مشـكل لوحصــلي ارتجــاجــي =من اللي أشوفه وسط الأسواق يمشون

صحيح يحصل لي معاهـن لجاجــي =لاشــك انا بمســوط باللــي يســــوون

جنجـان في جنجـان ليه اعــلاجـــي =وماهمـني لـوقـلتـوا انســـــان مجنـون

كم واحــدً قبلـي مـن الحـب داجـــي =مجنـون ليلى جـن من حــب مـــزيون

القلب يعشق شـوُفْ حتى النـعـاجـي =خــرفــانها وشـلـون فيـــها يســـــوون

بس البلا والمشـكـلـه وانــزعاجــي =الهـــيــئه اللـــي دايــمً لـــي يصــــدون

وبسجن حطـوني وطـول اخـراجي =وقالوا كـفـاله قـلــــت ياناس تكـفـــــون

[الغريب]

طلعـت وليـفـي تشـبه البــدر باللـيـل =في جـو صـافي دون ماعــج وغيـوم
مـن شــافــها يـانـاس يحـتاج تحليـل =يسـكـر بليا سـكـر ويصـيـر متـهــوم
مبسم طبـيـعـي ماحصـل فـيه تعديل =كـن الشـهـد مابـين الاثنين مقـســـوم
وريحـه طبـيعي عطرها ند مع هيل =ماجاب من عطر الخواجات مختـوم
لاغـــاب عنـي قـلـت ياعـيـن يالـيـل =اسـهـر طـوال الليـل والقلب مهـمـوم
أسهـر واجر الصوت لحن ومواويل =وللي نصحني قـلـت مفهوم .. مفهوم
وأنا في قلبي . ما سمعت العـواذيـل =لاشـك اجامـل لأجـل عادات واسلوم
وأقـول ياحـض الشـقاء والغـرابـيـل =متى أتْـعَــدل ياردىَ الحـض وتْـقـوم

5-4-1429هـ

[الغريب]

انا مدري ولاب ادري على انك غادر(ن) فيني
................................ تخون العهد وتجامل تقول الوقت ما سـاعـــد

وأنا باقـــول مـو وتقـتـك نويت انك تخـلـيـني
................................ تبي لك عذر؟ قم فارق لويش بمجلسي قاعـد

انا قــررت اخـليـكــم عــذاب الغــــدر يكفـينـي
................................ سهم حب الغدر يكفي بضميري داخله صاعد

انا يابـنـت متحجــر مثل مـا نظـرتـك فـيـنـي
............................... أحــب اكـون متحجــر ياصار الفهم بمـواعــد؟

انا يابـنـت من وايـل اعلـوم الناس تكفـيـنــي
...............................انا بـدري انا مـن اشـجع صواعق جوها راعد

انا أسـألك هـل حيـنـه تعرفـتـي ؟ عـرفتيني؟
................................انا شـيخي ابن معجل اللي علمه نجـم صاعـد

[الغريب]

والله إنـي مـا هـقـيــت انــك قــطـــوع = ومـاهـقـيـت انـك تصــد وتبعــــدي
كنت أعــدك مـن عـزيـزيــن الـربـوع = بـس خـاب الضــن فيـكم يابـعـــدي
وكنت أشوف الدرب في قربك شموع = بـس اليـوم الــدرب مظلم ووحدي
أنـــت شـكـلك فى النــذالـه لك طـبوع = وأنت شخص(ن)هايفاًوايضاً ردي
لا يغـــرك لـو نـثــرت مـن الــدمــوع = ماهو لجلك بس هـدي لا تـعـــــدي
يــوم دمـعــي انتـثـر بقـلبـي خـشـوع = في صـلاتي يومـنه قـــام اســعـدي
ومن تركتك في عصـر يـوم الـربوع = صــار وضــعــي رايــقاً يامسنــدي

[الغريب]

يــازول قـلـي ويــن بــاقــي حــــلالـي =راح الحـــلال ولابـقـى منـه شــــيني
قال آي داير شـــــوف وســط المفــالي =دور وربـــــك ياكفـيـلـي يـعـيـنـــــــي
وروحـت أدور مــع هـذيـك التــلالــي =والـزول جـالــس كـن ماصــار شـــيني
كســلان مـــايصلــح لمثـلـي شــــمالي =وان الكســل مـن طبعهـــــم ياضنـيـنـي
وقـررت اخل الزول شـــخصً مثالـي =وأدربــه حتـــى يغــــدي لـــه ونـيـنـــي
لاشــك ضيع كـــل بـــاق الحـــلالـــي =وفرحان يالبــدري ولاهــو حـــزيـنــي
وأنا همــــومـي مــالهـــا أول وتـالـي =راح الحـلال وصـرت افـــرك أيــدينـي
من أبو أعمامــة ياعسـاها الـــزوالي =راح الحـــلال ولابـقــى منــه شــــينـي
ورجعت وقلت امكمخـــه لامحـــالــي =وأنا بطـريـقـي صــرت احــد السنينــي
وساعة وصلت الزول هـديت حــالي =الـــزول هـــذا مصــيـبـةً يــاخــديـنــي
مثل البعيــر اللي على جـــوا خــالـي =جســـمــه كبـيــر وظــاهــر له أبطينــي
مــايقـــــدرة ياكـــود رب الجــــلالـي =خـــالـق أعبــادة مــن صلصـالً وطيني
الــزول شــاخ وصار راعي أدلالـــي =ويقــول مـن بـــه خـيـر خـــلـه يجـينـي
لاشـــك ربـعــي ملحـقـيــن التوالــي =فــــزعــاتـكـم يمعـــــدلـيــن اللـعـيـنـــي
انتم هل الطــولات وأهــل المعـالــي =إجـــلاس.. نسل.. إجلاس تقضون ديني
اركــو على كبـد الغبـــي كـل صـالي =يـا مــا يطـيـــع ويمـشـــي الـدرب زيــني

[الغريب]

لـيـه ولـيـفً شـبـيه الحــور =عندي فـلا فيه من ز يــه
حبيـته حـبً وهـو مغــرور =لاشـك وش فـيه بيـديـه
أركى عـلى مهـجتي دافـور=تصـلاه منـدون مـاويـه
ياصاحبي ماتطـيـع الشــور=تعطــف عليه اضحيويه
أنا في حبـك تـرى مسحـور=ومنساك دام النفس حيه
من شان حبك قطعت ابحور=ولا همني من حكى بيه
أرسـلـت لك لهـفتي بسطور=وردة غلا للون زهريه
وان ماعقـلتـي أنا معــذور =باخـذ لي بنتٍ حسـاويه
تــقـــوم قـبـل يـفـج النــور =تجهز لي قهوة وتمريه
ومن بعد القهوة يجي بخور=قبل العمل تاضعـه ليه
واصير في عيشتي مسرور=واخلي طرد الهواويه

[الغريب]

اليوم اشوفك حيل يازين ضـايــق= قلي عسـى ماشــر ياسـيـد الاحباب
من نظرتك تخفي كثيره حقـايــق = ومن دمعتك قلبك من الهم ماطـاب
ومن وَنْتَك تَحْمِل أهْموم الخلايق = ومن نهْتـتـك مـاودك اتكون كـذاب
بس اسمحيلي خمسه من الدقايـق = اذَكــرك بأني مـن الوقت من صَاب
فارقـت خـلاني ولانـي بـرايــق = وغدر الليالي ماحسـبنا لــه احساب
لاشك ياخلي على ايش التْضَايق = طبع الليالي دوم تفـريق الاصحــاب
ولفراقكم ماطيق كان انت طايق = وباب الهجـر لا تفتح اليوم لـه باب
لاتْزَودي مافي ضميري حرايق = لاشـفـت دمعك فوق خديك سَـكَْـاب
لاما تحمل شـوفتك وأنت ضايق = أختم لك بعشرة على صفحة اكتاب
وان رقت انا بأروق وأصير رايق = هـذي الحقيـقـه ماتبي شرح كِتََاب

[الغريب]

وش فيك منت بمعاي وشكلك اتفكــر= وأنا حسب انك معاي إيزين تفكيرك
ماني بغاصبك دامــك عقـلك مسكــر= انك تقولين سيـري خالــف لسيـــرك
مــادام جـــوك عَلَيِه صــار متعـكــر= ماهي غــريبة اتغير في تعـابـيـــرك
وش عاد لو رحت يم الحفــل متنكـر= مانــي بتابعـك .. هـذا نقص تفكيرك
انته اتفكر.. وأنا افكـر.. وأبا افــكــر= وشلـون اخليك .. وانته زيد تفكيـرك
وشلون نرجع معاك وصرت تتذكر= ايام صارت احلام(ن) من تدابيـرك
ما يفيد لو اعترفت وللخطاء إتْـــذكر= خلاص يابنت ماني صاير(ن)طيرك
اشكـرك مليار مـع مليــون متشكــر= يوم الحـقيـقـه عرفته حــددت سيـرك

[الغريب]

رداً على من قال كــذبً وتزييف = وسب الحمايل جعل حضه يميلي
ردي ساس ولاسكن ديرة طريف = أهــل الشــمال معــدليـن المعيلي
نعم بوائل مكرمة شارب الضيف = ونعم بشمــر مدخـلـيــن الـذليـلي
ولإ انت سربوتٍ مالك تواصيف = خنثاء ذكر؟موجود عندي الدليلي
أخفيت أسمك غير معروف ياحيف = لانـك خبـيـث تتقـي يا هبـيـلي
خايف يشـوفونك شــباباً ملاقيف = تغــط مثــل أختـك وخلـك ذليـلي
وحط الخضاب وكيف الشعر تكييف = وكثر من المكياج خله يسيلي
حيثه قدملك من اشكالك مهاديف = فأختار منهم واحد(ن) لك حليلي
حنا فخــــرنا ياغبي دايم السيف = ال ســعود مطعميـن الهـــزيـلي


قلت هذي القصيدة رد على احد الاشخاص الذي سب اهل الشمال واهل حايل
وهو لم يصرح بأسمه.
حيث قال
حايل وعرعر والقريات وطريف..يا الله ياربي جعلها ماتسيلي
تخط الربيع وتخطي الوسلم بالصيف..ويهفون اهل الغنم بالرحيلي
الى اخر القصيدة.

[الغريب]

كان ضاق الصدر له ناس(ن) تعـزه =أتْسليه بالليــل واطــراف النهاري
والله انـــه حـــزةً ياخــوش حــزه =نمشي بريضان وافياض وخباري
فـوق جمس (ن)يشبه الشيـهان فـزه =شافله جول(ن) يسير من الحباري
مع رفيـق(ن) خــوته عـز ومعــزه =عارف (ن) للبروالسفرات ضاري
مثـل أبو فــواز مـع ماطــر نــدزه =جمسـنا ما يخالجــك مـنْه طــواري
خير والله من سكن في وسط برزه=تنعشـك ريضانها لاصـرت ســاري

26/3/1430هـ

[الغريب]

الصدور أتضيق لأجل إحداث غزه
**** وأنت يا طارش تبا مشي البـراري

خـذ نصيحـة واحـدٍ ما يستفــزه
*** غير ضعف القوم في وقت الطواري

واتـجـه بالجـمـس والخـفـاق رزه
*** وانتخوا وايل وانا بنخـى المـطاري

ودنا تـحـريرهـا فـي كـل حــزه
*** يـوم أبو مـازن كـلا كـل المـصاري

وعقبها ضموا لـهـا برزه ومزه
*** وأعلنوا بالحـكـم فـي كل الحواري

وان تحرر قـدسهـا ربـي يـعـزه
*** الـفـرح يـاتـيـك مـن ربي عصاري

الشاعر/ مطني المطيري(ابو فواز

[الغريب]

تجي أيام وتروح أيام وعداد العمر في نقصان=وأنا داله وذا دالــه وكـل الناس في غفلة
تروح أحباب نــدفنها وننساهــا مـع الأزمــان=وتصير أفراح نحضرها ونستأنس في الحفلة
نخاف الفقــر ونجـاهــد على القـمـه بلاعنوان=ناسين إن الولي وحدة الرزق لحالنا كفْله
وصلاة الفجرنتركها وَنَحْضَرْحفلة السلطان=نفــاق إنْافـقـه لجلـه.. نحب..الطفل والطفلة
ألا ياغـافــرالــزلــه ألا يــارب يا رحمان=ألا ياعالم بحالي واللي مثلي بعــد شـف له
طـريـق الحـق ياربي قبل لنصيـرفى الميدان=قبل مايعرض الماضي وكلٍ صار يلقف له
وصلاة الله على الهادي محمد من نسل عدنان=شـفـيـع الخـلــق في يوماً نجتمع كننا بحفله

[الغريب]

أهلاً هـلابـك والــوفاء فيـــك معهـود = هــذا الـوكــاد الطيب راضي ســنامـه
طبعــه كذا ماهي ســـوليــف مقــرود = اللي عــن الجــزلات يقصر إيــــدامه
وقت الفضاء يودعلك الوضع ممهود = وعند الصحيح ايصيــر مثل النعامــه
انت الخـوي اللي لـك القـلـب مشـدود = ودي بشــوفــك قـبـل يــوم القـيــامــه
نبي انتمشى تحــت بــراق ورعـــود = في وســط روضٍ ما ذكــربــه عدامه
يشفي غليل اللي له اعوام مـرصـود = في غنتـنامــو مـا تحــرى الســـلامــه
والحمـــد لله وضعنا سهـود ومهـود = ومـكــيفــين بوســط خيـر وكــرامــــه
ومن فضل ربي وضعنا حيل في زود = من بعــد ما خليت ذيــك الخْمَـــامه


رد على قصيدة الزميل/ راضي حمدان الشمري

[الغريب]

ياقلــب هــدي, خــل عنك التْـفزز
.. راح الشــباب وراحــت ايام عـزه

ما يفيـد يا رامــــــز لوني أتَـرزز
.. ماراح راح وباقي العمـــر حــزه

من شــافني ياخـوك صار إيتعزز
.. حالي مـريضه مـن رفيــقٍ نعـــزه

صرت اتهزهز كني الشيح لاهتز
.. اللي( امْشلع) والعواصــف تـــدزه

صحيح قلبــي دايم (ن) له إيفـــز
.. ولاضنتي عن ذكره اسـلاه حــــزه

ولاطيع به من قال.لي.يا ولد جز
.. قـفــل علــى ما فــات قـفــلٍ ورزه

حيثه عزيز(ن) والكرامة لها عز
.. وياويــل منهو بالمظـاليــل خــــزة

تقـــول للي حــولها بالحـلا طــز
.. باسـكال عنـد ( ؟؟؟؟ ) اتصير وزه

[الغريب]

ياراكـــب اللــي لــونـــهـا فــيــــــرانـي
مـــاي بــاخ لافــزت تقـــل شــيهانـــي
تـاصــل صديــق الكـــل العــقـــــــلاني
الـوافـي اللي نقــتــــدي فــي رايـــــه


حيثـه فـطـيــن وعـــــــارف الاهـــدافي
يعــرف جـــــــديـد العلـم واللي طافــي
وش حيـلـتــه بَــلِــي مســـكه خــطافي
مــن هـــالجمـــــال اللي اشـوفه آيــه


آيه جمـــالــــه مـــا ذكــــر ف العـالـم
يمشــي بكيــفـــه هــــاديٍ ومســــالـم
دالـــــه لحـــــالــــه ســـارحٍ أو حـالـم
ولا يســتـــمــع لمن ينصحـه أو يـآبــه


يفــرق بطبعــه حيل عن باقـي الناس
يمكــن غــلط لاشك ذا عندي احساس
وأنا تــراني تــالــي العمـــر حسـاس
والحــال صارت مثــل قــوس الربـابه


هذا بعض ماشفت من شخص مجهول
وكثــر الحكـي مابــيه يالعاقــل ايطــول
وابـــي النصيحــة قبل لايعـــدي الحـول
حيـثــك مـن كـبار الـرجــال الـذيــابــه


انا انتـظــــر ردك وعـجــــــل عـلـيــــه
الـوضــع مــتأزم وبـــي جـــاهــلـيـــه
وراع الجـهــــل يمكــن يســوي خطـيه
ولا لاتخـلـي قــربـتـــك يـالقــــرابــــــه


انــا نصيتك انــــــــت يالعـقــــــلانـــي
مــن دون قـصــور ابــاقـي إلا خواني
جميعــهــم فـي داخــلــي لـه شــانـي
ومافيــهــم اللــي بــردا ينكـحــا بــــه


وأخـتـامـها منـــــي ســــلام وتحـيــــه
يأهـــل الكــرم والعــــــزوة الــوايليـــه
تكفــــون لا تنســـــــون الاشــجــعيـه (1)
ســـاعــة نخـتـكــــم وينكـم ياقــرابــه




1-موضوع احمد عمر الاشجعي


4-8-1430هــ
الغريب ابوسامي البدري





رد العقــــــــــلاني



يامـــرحبا والله بقــــولن جاني
قول الغــريـب مكرم الضيفاني.
من غير قصور باقي الخـــلاني
انا مبسوط وحاضر لجــــوابــه .


أقبل حيــاك الله تــــــرانــي
انا مثل ماصاحبي يــــرانــي .
ناخذ بالدين ونوفي الــــدياني
رضاك عندي مقصدي والغايه.


انا بجوابي حالبن لك صافـــي
والله عليم(ن) بالخـــــوافـــي .
والبيض قبلك ياما مشن حافي
وخلن حكيم الراي يخلف رايه.


اضرب على الكايد وراسك سالــم
وانا عضيدك رهن إشـــاره والـــم
معك معــك مظلـــوم والاظالـــم
واخطا العشــى من لافرس بانيابه .


وان كان خلك نادر الطبــــع واجناس
احرص على قربه وألو شيب الراس .
ومن يطلب الحسنا يعنــي ركــابه .


وابي اجتهد لك بالنصيحه وابا قــــــول
ليا شفت الزول أنصه وخصه على طول.
لاتصيـــر قصاص الاثر تارك الـــــزول
ماراح للمقصــــــود وانهى عــــذابــه .


وهــــذا جــوابـــي يــازبون الونيــه
يصلك لـــو انه تأخـــرشـــــــويــــه
وترى الخوي يرفق بحالة خـــويــه
وفـهـمــت قصــدك وانتقيت الإجابه


العــقــــلاني
5-8-1430هـ

[الغريب]

انا شــربت مــن حـبــه ولايكـفــي بحـر وبحــــور
ولايكفــي نقـــول الحــب اعــروقــه شــمالـيـه

ابي تثْبتلي اللي قــلت تقـابـلـنـي شـــعــاع النـور
جماعه مابـها وحــده فـي وســط السـوق يبنيه

حبيبي اكْســـر الحاجــز..انا في حبكـم مخمـــور
انا مــحـتار ياخـلـي ابـيــك اتشــوف وش بـيـــه

ابيك اتعالج اجـروحــي وأنـا باكون لك مشكـور
علاج الروح يالغــالي معــك وش عـــاد بيــديه

حاولت ابي اترك الماضي حلاه ومره المحــذور
لاشــك الوقـت ماسـاعــد يارامــــز حيلتك ليــه

كشفت انك تعرف انـه مضالي من زمان اجـذور
بدروب العشق تعـرفنـي وأنا ســواق حصنيــه

ياليت اللي مضى يرجع..ياليت الوقت بس ايدور
ولانبغــى حضــارتـنا نبـــي نسمات عصــريــه

معه ريح النفـل يطــرب شــذاه ايعانـق الدافـور
معه ريح الحطب يآخذ اعقول اشخاص بخـنـيه

وأنا مـاودي اكمــل ولا أبغـى ذكــر للمـخـبـــور
اعلوم(ن) انت يارامــــز ذكْرت بما مضـى لـيه

والآن ابي اتعلمني اعلومـك مـع علـوم الحـور
اخبـار اللي تعـرف انـه صـديقـاً صافـي النيــه


25/3/1430هـ


وجة هذه القصيدة للعضو رامـــز عند ما ارسل لي على الخاص
حيث ذكر لي بعض المواقف التي لايعرفها الا الخاصين ولم يفصح لي عن اسمه.

[الغريب]

مقتطفات من بساتين بوح قلمي
اتمنى ان تلاقي استحسانكم


يامن حرمك الله مــن العطـف وش فيك -- تقسى على قلبً من الناس راعــاك

حرمتني من شوفك ومسـكــت إيـــديـك -- ومـا أقول غير الله لنا بـس يهـداك

اسهـر طــوال الليـل يـازيـن راجــيـك -- يمــكن تحــن وتـتـصـــل لا فقــدناك

لكـن تـعانــد والمعــانــد يــدهـــويـــك -- خــل المعانــد يالغضــي لا عـدمـناك
-----------------------------------------------------------------
جامل صديقك لأجل بس الصداقه ---- من شـان ما تخسـر صـداقــة صديقك

وكثر الحكي ياناس هــذي حماقه ---- لاصــار مـع شـخـصاً يعــادي رفـيقك

وانا احمــدالله كـل أبـونــا رفـاقـه ---- والنـذل لا يمشـي معــك في طــريقك
-----------------------------------------------------------------
بـدايتي كانـــت بــدايــة عـــذابي.... ماكنت احسب ان الغدر فيك مزروع

صدقت نفسي قلت يأغـــلا احبابي... تــرى التكلــف بيننا اليوم مــرفــوع

بس النهايه مزعجـه يا أصحابي ... شـوفة حبيبي ابعـد مـن حــبة الكـوع
-----------------------------------------------------------------
مسكين قـلبي ما تحمـل غـيابك --- ولـوغبـت عنـي لازم القلب يطـريك

حديتني وش فيك يسعد شـبابك --- وعسى السـعــادة يا رفـيقـي تماشـيك

الناس قالوا أنسها وصك بابك ---عن الهـوى ودروب شـخصً غدر فيك
.................................................. .....................................
كــــامـــلاً بالعـقــل لا منــه حــكــى --- يذهلكـ لا مـن تبســـم بالشــفـاه

ليت يسمـع صـاحـبه لا مـــن شـكـى --- ليت يسـمـع لا لقيـــته قــلـت آه

ليت أشوفه ساعه في مطـعـــم لقـى --- دام باقي من تال العمــر صباه
.................................................. .....................................
ريح الحبايب مع هبوب الشـمالي --- جابه هــوى ليل العشق للمحبين

ليتكـ وليفي تعـرف اللي جـــرالي --- كأنك رحمتن صدق ماقلت بعدين

وليتكـ تعرف اللي بقلبي طـــرالي --- ابي انتحــر حتى لحبي تعـرفين
.................................................. .....................................
هــايـم في حبـكـ أبليـا شـــــوف --- وشـلـون لوشـــفـــتـكم مــــره

ما تكسب في صحبتي مــعروف --- خــذني معكـ بالســـفــــر مــره

مستعـد اسـعى معـكـ واطـــوف --- فـي عـالـــم الحـــب لـو فــــره

اكيـد اتـعـبـي يجـــي مـخـلـوف --- مـعــــاكــ يـاحـامـــــل الجــره

.................................................. .....................................
هاضت افكارالقريحه بالجـــديـد --- يـوم بـيــن نـور عبـدالله شـمـال

الملكـ ابن الملكـ رايه ســـــديد --- يوم رأي الغير يحسب ذا مــحال

خيـر ربي زايــد ودايـم يــزيـد --- في قيادة ســيــدي صقـــر الجبال
.................................................. .....................................
هــلابكـ يانظـــر عيني هـــلابكـ --- هــلابكـ بعلـنه لأجلكـ دعـايـه

شوف حالي حزيناً مـــن سـببكم --- لِمَا التعـذيـب فيني ياغـــلايــه

افــرح إن كان وصلتني رسـالة --- رسـالة حــب هي للقلب غـايه
.................................................. .....................................
أنا عارف دمعك ذارف بسبة افــراق ام جـعــود

الهوى كالسيل الجارف والعاشق حضـه مقــرود

وان حصل لك ضمة خلك في شرع الله هذا فود

وأنا عارف دمعكـ ذارف سبة أفـــراق أم جعــود
.................................................. .....................................
يأمل قلبٍ من هـوى كامــل الـزين --- يضرب على الأضلاع مثل الطبولي

ودي اسـيـر لا كن يقـول بعــــدين --- وبعـدين صايرلـه من العــام حـولي
.................................................. .....................................
بها ماـشفت يازايد عـــذاريبٍ تعــــــذربها = هنـــوفٍ تذبح العاشق بنظراته وخطــواته

انا معها انا معها وضــــد اللي يحـــاربها = قبلــت بكـــل عــذروبٍ يقال وكـــل سَيأته

انا وشـلون ابى اسوى انا يناس ابا أنهبها = من شان القلب مايحزن يريحْ من متاهاــته
.................................................. .....................................
لها بالقـلـب منــزالاً صعيـــبٍ ينزله غيــــره = بنيته, له على الموضه صعيب يهدم اجداره

بنيته, له ياخو بقشــه ولادري وينها الخــيره = بنيته داخل اضلوعي ماهو في سط هالحاره

لاشك الزين متطير ولادري ليش هالـطـيره = يبي يــروح يتركني ســـفـــر من فوق طياره
.................................................. .....................................
بي ونةً مالــها مـــــــداوي --- ماغــير شــوفة حــبايبها

والحــب يانـــاس مــاياوي --- وكل اللــي بــيه سـبايبها

ومن بعد خلي ماني هاوي --- لوابــعدت مـع صــحايبها
.................................................. .....................................
ويــــاه يا فـايــزقــضـيـــنا لـيـالي --- فيها الفــرح فيها الونس والســعاده

واليوم يا ابن العــم جـالس لحالي --- فــيـني ســــكــون وزايــدٍ به بلاده

من الـذي بالقلب منــــزله عــالي --- طـلبـت يـــــده بــس فـيـنـي قـــراده
.................................................. .....................................

رها رمشـــه على خده سواد الليل لا دلقس --- غريب اطباع محبوبي ذبحني قبل لاشوفه

ذبحني بنظرة اعيونه ضيعني ناعم الملمس --- انا من شفت رزتها انا ما اقــدر اطــوفــه

شوفولي حل ياربعي ابي لي حل لوهو دس --- وانا تراي ماعلم إذا قطوفي على قطـوفه

.................................................. .....................................

ابوسامي البدري (الغريب)

[الغريب]

سلط على الدخان لو هو مضري
له حزتن عند احتكآآم المصيبه

البيت اعلاه للشاعر بندر ابن سرور (وذلك حسب ماقاله العضو الذي طلب مني مجارة لهذا البيت
وهذه مجارتي له.(ملاحظة:- احدالمنتديات التي اشارك فيها).


يا صاحبــي لاتكشــف اليــوم ســـري
خــلك حكيــم ولايجـــي منك غـيـبـــه


خـــلك كتــوم وللعـلــم لا تطــــــــري
شفني صبور(ن) لو اجروحي عطيبه


ومن صادقــن ابحث وأسـوي تحـري
حتى لوأنه كــان أقــــرب قــريـــبــه


ومن صــد عنـي اتـركه لو يمــري
خــلــه بكيـفـــــه واللـيـالي تجـيـبه


الحــر حـر ولا يجـي طـيــر فـــري
والبوم ما يسكـن بــرأس الجــذيـبــه


وتــرى التـدري ما يفيـد التــدري
كان وقفت ما يفـيـــد طـب الطبيبه


ويا صاحبي لا تتعبــن بالتـطــري
من غيــرك يازيــن والله عجـيـبـه


1-12-1430هـ

[الغريب]

انا شــربت من حـبــه ولايكـفــي بحـر وبحــور= ولايكفــي نقـــول الحــب اعــروقــه شــمالـيـه
ابي تثْبتلي اللي قــلت تقـابـلـنـي شـــعــاع النـور= جماعه مابـها وحــده فـي وســط السـوق يبنيه
حبيبي اكْســـر الحاجــز..انا في حبكم مخمـــور= انا مــحـتار ياخـلـي ابـيــك اتشــوف وش بيـه
ابيك اتعالج اجـروحــي وأنـا باكون لك مشكـور= علاج الروح يالغــالي معــك وش عاد بيــديه
حاولت ابي اترك الماضي حلاه ومره المحذور= لاشــك الوقـت ماسـاعــد يارامــز حيلتك ليــه
كشفت انك تعرف انـه مضالي من زمان اجذور= بدروب العشق تعرفني وأنا ســواق حصنيــه
ياليت اللي مضى يرجع..ياليت الوقت بس ايدور= ولانبغى حضــارتـنا نبي نسمات عصــريــه
معه ريح النفـل يطــرب شــذاه ايعانـق الدافـور= معه ريح الحطب يآخذ اعقول اشخاص بخنيه
وأنا مـاودي اكمــل ولا أبغـى ذكــر للمـخـبـــور= اعلوم(ن) انت يارامــــز ذكْرت بما مضى ليه
والآن ابي اتعلمني اعلومـك مـع علـوم الحــور= اخبـار اللي تعـرف انـه صـديقـاً صافـي النيه


25/3/1430هـ

[الغريب]

جلست افـكــر وأفـــكــــر= واكـــرر هذا التفكيــر
هالدنيا وش حاصل فيــها= مايجري فيـها خـطيـر
العــراق إيِقَـتـَـل شــعـبــه=تهجير وطــرد وتفجير
والأفـغـــان أرضه محتله= والحاكم مالـه ضميـر؟
والصــومـال الله يعيــنــه=شــعـبــه تـدمـر تدميـر
والسودان اللي حاصل له= من قـــرارات وتأثيـر
يبغوا تقسـيـمه ياعـالــم =شافوا جنوبه.. به.. خير؟
والعـدو للأقصى يهـــدد= وحـفـــر انفــاقٍ للتدمير
وايـران اتهــدد عالمـنا =بكـــلامٍ مــالــه تبــريـــر
والحـوثـي يهجـم عـليـنا=مدري وش يبغى الحقير
وأم الدنيا من اجل الكورة=استدعت حتى السفير؟
والله مدري اش حاصل فينا=وإحنا ما نأكل خنزير؟
الغيرة ماهي موجــــودة=واحدنا ؟ ...................
هذا اللي خلاني اجلس = واكـــرر هـــذا التفـكيـر


6-12-1430هـ

[الغريب]

يازينها بعض البشــر لا جلــس ورى شــاشـتــه = رجـل كـريم بالحكي, والفعـل ماعنــدك احـد
يا جئ رفيقه في غرض لايمكن يقضي حــاجته = لوحاجتك شيء بسيط, يجحدك ولعرفك جحـد
هذا الصحيح, ولي حصل مع هالاشكال وحالته = كنت اعتقد لآمن نخيت القى عضيد ولي سـند
وين الـــذي لا قـلت له تكفـى يطــش اعمــامته = روح زمان اهل الكرم والطيب كفـن في لحـد
والرجل لا ضامه زمن ربـعـه إتحضر ولآبـته = عند اللـزوم تشـاطـره بالخيـر او غيـره بـعـــد
غريـب ياهــذا الـزمـن العــرف مـن طــلابـته = لا صار في جيبك عــدد يصير ما مثلك وجــد
صــار التعامــل بـيـنـنا مـصالـح, وســلامـتـه = من كان ما عنـده هـدف لـو راح ما عـنه نشــد
في هالـزمن راح الوفا وكثـرت بـها ظـلامـته = ناسٍ اتمجــــد حــالـها والجــد ما تلـقـى أحــــد
وأنا احمد الله في غنى عن هالـزمن وخمامته = لوعشت وحدي ما فرق من فضل ربي بي جلد

21-12-1430هـ

[الغريب]

فرحت يومي نظرت وشفت زولك وكاد= واذاعــو العلم قالوا عاد من رحلته
أستبشري يالوطن في سلطان الخير عاد=الخير في مقـدمه والخير في عـودته
بقدوم نور الوطن حـامي حدود البلاد=انا اشهد ان الشعـب فرحان في شوفته
الشـعب ياسيـدي فـرحان حضـر وبواد=في عـودتك سـالـمٍ يا محـب راعيـته
والشعب فرحان صارت كل ايامه اعياد=بقدومكم كل واحد تحســده فــرحتـه
ورياضنا منوره بحضــورك النور زاد=ياللي يمينه, يسـاره ما تعـرف مـدتـه
يابو اليتامى عضيد اللي عليه اضطهاد=من دنيته فـزعتـك تنجيه من كـــربته
كم واحدٍ حاير(ن) حليت وضعه وعاد=لأحضان أمـه وأبـوه وديرتن ضـمته
وكم من سقيمٍ سهـر ماذاق حلو الرقاد= من أوآمـرك سـيدي ربي شـفى علته
عسى الولي يحْفظك والشر عنْك بعاد=ياللي بشــوفــك وطـنا زان في حـلته
ولو ابي اعدد أخصالك ما حويت العَداد=أحــبارنا تنتهـي والعـلـم ما جــابـته25-12-1430هـ

[الغريب]

كلنا في المنتـدى ربـع وقــــرايـب
= لآبتٍ ياحض منهو يـدخـلـونـه


مــاربا في وسطنا خاسي وخـايـب
= بالملاقـى ويـل منهو يـدحمونه


في زماناً فات في و قـت الحرايـب
= ما سلم برماحهم من يطعنونـه


وكم خذينا من اعدانا من الحلايب
= اسألوا عن هالكلام ال يخبرونه


من وقع بنحـورنا مــالـه طـلايـب
= يندفــن طـاريـه سـاعـة يـدفنونه


في رياسـة راعي الفعـل العجايب
= دحـام المعجـل اعلومه تعرفونه


وابوفيصل, نعـم فكـاك النشـايـب
= محمد المعجـل كـريمٍ تبخـنـونـه


كاسبٍ للطيب قبل ايصير شـايب
= كاسبٍ للطيب والمــده حنــونــه


وشكراً للي باركو وإحنا حبايـب
= ومنتـدانا لازم انتـم تـدعـمــونــه


مناسبة القصيدة حصولنا على لقب شاعر المنتدى في المنتدى العام للاشاجعة

4-1-1430هــ

[الغريب]

مـآبي كبـر لاشــك نفســي عــزومي
= ولآضن يـاعـزيـت نفسـي خـطـيـه


هاذي أطبوعي وسألوا عن اعلـومي
= مـن عــرض وايـل نارنا دوم حـيـه


ولانـي من اللي يجهـلـون السـلـومي
= اللي على الطـولات مـاهــي مـديــه


والعـيـب ما يخـفــيه زين الاهــدومي
= ولا المناصــب والجـيــوب المــلـيه


ولا بكـثــر الحــكــــــي بلـيا للــــزومي
= اللي عـلـى الـــزلات نـفــســه دنـيه


يفخــر يحسب افـعــال جـده تــــــدومي
= ضـعيـــف فـكــر ولا يخاف الـزريه


لا جـــاه ضـيــــفٍ صار عنده يحـومي
= يغــث ضـيـفــه بالعــلـــوم الــرديــه


وعند المواقـف ينجحـر تقـــــل بـومـي
= مــافــيـه خيــر ولا بـــدمــه حـميــه


عسى مثـل هــذا يعجــــــز ما يقــــــومي
= ولا يشـيـل حـالـه لو اعظـامـه قـويه


والمــــال جعــله في يــــده مـا يــدومي
= عســى الـولي يمـحـاه رب الـبــريـه


وياللـي تلــوم الـقـــــــاف لا لا تلــومي
= تـرى الـرداء يجـرح انفـــوسٍ زكيه


9-1-1431هـ

[الغريب]

طلعت ابي اشري حاجتن لي من السوق = ويا ليتـنـي مـا رحــت يآ ســوق يمــك
شـفـت الجمـال اللي غدى لمُهجتي عوق = ريــم القـفـاري ليـتــنـــي ابـــن عمــك
كلمتـهــا يــازيــن يــا حلــوا منـطــــوق = مـا تـرحـمــن لا شـكيك هـالحين لمُــك
قـالــت كـلامــك ياولـــد غيــر مسـبـوق = ويـن الحـياء؟ قـلـت الحـياء لا يهـمـــك
خذني معك لا صير جسمـٍ بـلا اعـروق = قـلبـي خـــذانـي غـصــب يـازين يـمـك
وإلا مـعـــك ســواق تآمـر وأنا اســـوق = وأصبـر على قســوتـك مع نفث سِــمْـك
قالت عـلامـك ؟ قـلـت ما شفت مخلوق = مـثـلك حـقـيــقـــه حــض منهــو يلـمــك
حـنـي على المسـكيـن داريـه بـرفـــوق = لو كنت وردة لا قطــفــك ثم اشـــمــــك
تكفى لا تزيد القلب لوعــات واحــروق = ابــي اطلـبــك لي مـن وليـك وعــمـــك

12-1-1431هـ

[الغريب]

يا عـــذاب الهــــواوي آه يـا عــزتـي له = دوم مهـضـوم حــقـه مــن قـديــمـاً وتالي
ان شـكـى ظُـلـم خِــلـه قيـل ضـيـع دليله = فـاقــد العقــل هــذا بعـــد ما هـــوا مثالي
مـالــه إلا يتـصبــر حـيـث مــافـيه حيله = غيـر صبـر المعنى مـن حسـين الــدلالي
ليـت من بـيــده القـانـون يعمــل وســيله = ينصـف العاشق اللي طاح في حب غالي
ويا انور البدري الفزعه يا مزبن دخيله = شـوف حـل لأبن عمـك يا كـريم السـبالي
صاحبي يارفيق الخير وشـلـون اجي له = صوب حايـل عشـيــري آه عـزي لِحـالي
شــوف حالي سـببهم يارفيـقــي عــلـيله = أســهــر الليـل كـلـه فـيه مشــغـول بــالي
ليتها مـن الجـمـاعـة كان أخـذتـه حلـيله = وادفـع المهـر عُمــري كـان ما ريد مالي
لا كن اعيال عمه ما رضــوبه بــديـــله = حـجـــروهـا عــليــنا وصار مالي مجالي
غير ذكرى وليفي مثــل بــرقـاً نخـيـله = في ضميري وفـكـري سـهمها فوق عالي
شيب عيني ياهـاجــس يوم أفكر وأخيله = أمسك القوس واعزف كل ما هوا طرالي
وين فـزعــات ربعـي داحمين الــدبـيله = أشجع أهـل الكرم والطيب وأهــل المعالي
أبي ايشاف وضعي مع ناقضت الجديله = بالحـــلال اطـلـبـــوهـا بـاغـيــه بالحـلالي
واختمه مآب اطــول لو علومي طويـله = قلت من صاف فكري بعض شيءً جرالي22-1-1431هـ

[الغريب]

شمس العصر طلت معـا فجــوة اغيــوم = وذكرت خـد صـويحبـي يوم طــلا
وقوس المطر في وسط الاغيوم مرسوم = كنه حجـاج اللي عـلـى القلب عـلا
وإلا شــعاع الشمس والغيـم مـــركــــوم = كــنه ذوايــب صـاحبـي يـوم فـــلا
عــزي لمن مثلي غــدى اليوم محـــروم = مــن واحــداٌ دايـم عـلـي إيتـغــــلا
يـا حـض مـن عنـــده جـناحـين ويِحــوم = على مســاكـن صاحـبه ويِتـمـــــلا
يا بـوبــدر فــزعتــك والوضــع معـلـوم = عـلــى ولـيـفٍ بالحــلا مـــا يحَــلا
ليـه ثــمـان اســنين واقـــــول مقســــوم = ومعـهـا ثــمان اســنين والقلب مـلا
راح العمـر مـاغـيــر آهــات وهمــــوم = ومن كبـر همـي أنت فــيـه أتَســـلا
مــلـيـت هــذا الوضـع عـســاه ما يـدوم = وعســى همــوم البـال عنـي التْجلا
الضيــم مـانــي يـابن وايـــل بمضيــوم = حيثي مـن اللي مـا بعـــد قـيــل ذلا
ربعي بني وايـل لهـم فـعــل محـســـوم = فــزعـاتـهم تجـلي عـن الكبـد عــلا
لاشك يا خـالــد مــاهــم ربـعـها قـــوم = حتى نجيبه غصــب لـو ان تجـــلا
والوضع يالبدري تـرى اليوم محكــوم = حكـم الشـريعــه شـرعـنا ولـه نـدلا
من الله خلقنا وفيه عــادات واســــلـوم = والغصب في شـرع الولي ما يحِلا
لا شك ابي اصبر دام هالوضع محتوم = وأقــول يا قـلــب العنـى عـنـه زِلا14-2-1431هـ

[الغريب]

ودي كان الغـــدر منــك ياعـشيــري بـس خــــلــه
لا تعانـــد مــن يعـــزك لـوا معـانــدكـم عــــذوبه

الوضع بـيــديــك كــلـه وان رغــبـت انــك تحـله
حــل وضــع اللي يعـزك نظـره لو لحظات صوبه

كل من شــافـن تعـجــب قـال عقــلك مـين شـــله
قلت كلي مــع عشـــري والعقــل مافـــيه طــوبه

والله إنــي مـن ســـببهــم داخــلـي مليــون عله
والله انه من غــلاهــم صــرت بيـديهـم اللعوبه

لعن أبو قــلـب الهــواوي يخضع لو ما فيه ذله
لا نظـــر ســـود العيون القلب يلعب به هبــوبه

لا عصفـت ذكــرى وليفه كل مــاب الصدر فــله
كنه اللي ملتمس به ضغـــط عالي من أسـلوبه

ما يتفاهـــم مــع محيطه وما يتحمــــل لي زله
وان طلع يبي البسيطه ضاع ما يعرف أدروبه

وان نوى قطــع العــلاقة قــال قــلبه ألــف للـه
ما يتوب العاشــق اللي مخلــصٍ لو قـال تـوبه

حظي اللي ما خـــدمني ليت من يشـــريه كــله
بس ساعاتٍ بسيطــه ودي في حــظ ٍاعـجــوبه

لأجـل أسافر يم خلي لأجـل أشــوفــه في محله
واطلبه في شــرع ربي قبل لا تصير أمْخَطوبه

19-2-1431هـ
ابوسامي البدري(الغريب)

[الغريب]

ســـود الله وجـه من فعله محايد
عن أعمال الخير وأفعال القبايل


الــردي ما ينفعه مــدح وقصايـد
حارمه عقله عن أفعـال الجمايل


قاطع المعــروف من بين البدايد
راح يلقى ماعمل والوقت طايـل


هو يحسب بمافـعـل بيكون زايـد
بل صغر بعيون ربعه والحمـايل


والرجال أتبين في وقت الشـدايد
والــدويني دايم أعـلو مه فسـايـل


وكل جلد بماحــوى ينضح فرايد
والردي ما يقتنـع لوا قيـل عـايل


رحمك الله يا احمد محمد البلعاسي الاشجعي

الغريب ابوسامي البدري


5-3-1431هـ

[الغريب]

وصف المحــبه بين الأحـباب وشلون
ما تنـوصـف ســاعــة تلاقى المحبين


القـلـب يبـدأ إيــدق بألــوان والحــون
والعين تنثر دمــعــها أفــراح فرحين


صـحيح راع الحب لو قيـل مجـنـون
ما يستمـع لو ان صحـولــه مـلايـين


يمشــي على ما يريــد قلبه وممنون
فيما يصيـبــه من عــذاب العــزيزين


يجيــب طبلـــونه على الخــط مليـون
إذا توجـــــه صـوب دار الشـياهــيـن


قلـبه وفكـره في إخـطـاه إيتـبـارون
شـيء وكــاد ولا يبـي لـه بـراهـين


وانتم بعـد بالحــب أكيـــد تــــدرون
ان المحـبـه بلسـم أجـروح غـــالين


أبوسامي البدري(الغريب)
8-3-1431هـ

[الغريب]

مني / لشيخنا المحبوب
محمد فرحان المعجل - أبو فيصل أطال الله في عمره.


1- باســم الـولـي ابــــدي كــــلامــي واعـــــذيــه
عن نقــــــد مـــن يقـــــرأ كــــلامـــــي علـى آه ؟


2 - وامــــــــدح ابوفيــصـــل عسى الله إيخـــلــيـه
شــيخٍ ولــد شــيخً على العـــــــــزمــــــربـــاه


3 - محــمــد الفـــرحــــــــــان يـا عــــز عـــانـــيه
الطـيــــب اللــي يكــــرم الضيــــف لاجـــــــاه


4 - أنا اشـــهــد انـه يـرفــع الــــرأس طـــــاريـــه
وإلا الــــردي مـاضـــــــن أحـــــــــداً تنصــاه


5 - وأنا اشــــهـــد ان الطيـــب كــلـــه بيمـانـيــه
ومن يعـــمل المعــــــــــروف لا بــــد يلــقـاه


6 - شــيـخ (ن) كــريــمٍ مــا تعــــدد حســــانــيــه
يا عــــز منهـــو يا قســـى الوقـــت ينـصـــاه


7 - من كـان لـــــه عــازه مــن الجيــب يعطــيه
مــــــدة كــــريــــم مـــاتعــــــدد مــــــــزايــاه


8 - يخفي على اقــرب شخـص ما مـــدة أيـــديـه
ويســـــراه مـاتـــدري عــــن أفعــال يمــــناه


9 – وكل اشـــجـعي بالطيــب ما حــدا يجــاريه
حـنا الكــرم والطـيب والفخـــــــر والجـــــاه


10 – تاريخــنا معــــروف يا جـــاهــــل فــيـه
اصغــر صغيــر القــوم مــا يقْـرب أحــمـاه


11 – واخــتامــــــها منــي ســـــــلام محـلـيـه
بالشــهــد للـي يفــرح بكــل مـن جــــــــاه


ابوسامي البدري(الغريب).

12-3-1431هـ

[الغريب]

يا فاتـنــة فـكـــري على غيـــر مصـلــوح
من بعـدك أسهــر لـيـن نــور الصـــباحي


غـاب الفــرح والنــور والقـلــب مجروح
وظلمتـنـي والـوقـــت زود أجـــراحــــي


حـظـ الوزاء أصبح على القلب مشفــوح
مــدري عــلامـه دايــرٍ مـا ستـــراحــي


ماغيـر أفــرفـر وســط الأسواق وأروح
مثل الــذي يـمشي و مــاهــوب صـاحي


واللي فهمتـه مـن عــلامـاتٍ أوضـــوح
غـــدرٍ أحســه منـك قبــل المَـــرَآحـــي


لكـن أكــرر مالنـا فـيــك مصلــــــــوح
دامـك نـويـت الهجــر ماهــو مـــزاحي


من الله خلقني رافع الـرأس مشــطـوح
مانـي مــن اللي دايـم فــ انبطــــاحــي


عسى الولي يحفظـك روح ومسـمــوح
ياللـي جـبـيـنــه كـنــه البــرق لاحــي


تلقـى وأنا القـالي مــن الغيـد ممـلـوح
اللي رمـوشـــه لانظـــر كالـرماحــي


يمكــن يســلينــي بعــد منـتـه أتــروح
وأصبـح سـعيـد وخاطري بانشـراحي



19-3-1431هـ
الغريب ابوسامي البدري

[الغريب]

ياحــلاة البــر والــروض الخضـــر
والغــدير إيســاقـي العشــب الكثيــر


ريح عشـبـه فــاح من رش المطــر
بلسـم للي داخـلــه جـــرح خطـيـــر


والســــمــاء متلبـدة غـيــم شَهَــــر
من شــمال طـويـق رعده له هديـر


تلفح ابـروقـه قبـل وقــت العصـــر
ومع المغـرب دِيَِمَـتْ دِيمٍ غـــزيــر


سَــيِـلْ الــوديان والخيــر انتشــــر
وأم سـالـم من فـرحـها ما تطيــــر


مختلط بريضانه أنــواع الــزهـــر
من صغير الزهـر أليا حـد الكبيـر


البختــري والنفـــل فــيها ظهــــر
والرشاد بوسـط ريضانه صغيــر


ومن سكن فى البر مايعرف القهر
يحســده في راحتـه حتى الوزيــر


من نزف قلمي
20-3-1431هـ

[الغريب]

يازِين ممشـى البر وقلت الغــروبــي
والعشــب شـامخ والكمى يلقـطــونـه

يعجبـك طلعــه ناضــج بـلا عيـوبـي
مثل بطـاطــ مـن الكثــر يجمـعــونـه

تلقى أم سالم سـاجـعــه بالطــروبـي
طـربانـة (ن) مـا عـايشت للمهـونه

وريح الخـزامــى مع نسيم الهبوبـي
والشيــح يـاهــب الهــواء تعـرفونه

والـديــدحـان مشـابكـن بالــدروبـي
يشــبــه لعيـد الحـب واللـون لـونـه

وإلا الربحلا والمشـع بـه عـــذوبي
تخالط أجـراسـه ولينت أغصونــه

لاكلـت من طلعـه بفمــك يــذوبــي
طعم العسل في معرضٍ يعرضونه

هذا طريق(ن) ما اعتقد به أذنـوبـي
بس الفـروض الخمـس لاتـتركـونـه

تم الكـلام وكـل مـخـطـــي يتـوبــي
وأنا اعتزلت العشق.كثرة أطعونه

ما عاد تعنيني هـنـوف (ن) لعـوبي
لوأعرضت صديت لوهي حنونـه؟

هذا مــزاجي يخلتف عن أســلوبي
من الله خلقنــي ماطلبت المعـونـه


ابوسامي البدري (الغريب).
26-3-1431هـ

[الغريب]

احتضـــن قـلـب المعـنــى لا يصيح
مثل ما تُحـضن عصافيـرٍ إصـغــار


ليش تتـركني وأنا قـلبــي جــريــح
ليش تخــلـــف ياعشيري للمســـار


من غيابك شــفنـي بفـراشــي طـريــح
وانتظــر شـوفتـك ســـاعـــه من نـهـار


كل ما حــاولـت أوقـــف صــرت أطيح
جــوي أمعــتــــم ظـــلامٍ مــع غُـــبـار


تنفض أعروقي وصدري له فحــيـــح
ومن فحصني مستشار القلب حـــــار


قال وشبك؟ قلت مــدري يا فصـــــيح
تكفى يا دكتـور ســـــوي لي قــــــرار


قال عاشق؟ قلــــت له هـــذا صحيـح
ومن نحبـه يـــا رفـيـق الخيــر طــار


مـن فقـدنا صــاحـب الوجـه المليـح
آخــر النظـــــرة على بـاب المطــار


وحــرك الطــيار ذا الـوجــه القبيح
متجــه لبـــنان جعـلــه للأ؟؟؟؟؟؟


هو إيحسب أني بعــدكـم مستريــح
يشهد الله حالتــي صـــارت دمــــار


يشهــد الله كل ما قـلـتـه صـحيــح
كل ما قـلـتـه تــرى يــازين صــار



ابوسامي البدري(الغريب).
من جديدي
5-4-1431هـ

[الغريب]

قلت هذه المتواضعه بمناسبة أسبوع المرور



يــاقــــــــــائـــــــد المـــركــبــــــــــة
لا تسـتـعـــجــــــــــل بالعـــبــــــــور



قبــل تعـــــــــدي راقــــب خــــطــــك
عنــد الشـــــــــــارات المـــــــــــرور



كـم مــن مســــــرع ودع أهـــــلـــه
تــــوديــــعـــــــاَ مـــــابــه ظهــــــور



يـتــم ورعـــانــــــه مــن فعــلـــــه
بقــطـــع إشـــــــــارةالمــــــــــرور



والا اللي بالكــرســـــــــي جــالس
معــــــاق وقــلــبــه محــســـــــور



لاتــــذكــــر فــعــلــــه يـبـــكــــي
عـــايــــش في هـــــم ومقــهـــور



وكــان انـك تبغـــى الســــلامــة
طـبـــــق تــوجـــيــــه المـــــرور



تــوجــيــه ارجــــال يــهـــمــــه
ســــــلامــــة كـــل الجـمــهـــور



واخــتــامـــــه ياللي تسمـعـنـي
لا تســــرع منـــت بمـجــبـــور



الســـرعــه اصــــل الحــــوادث
اتــــرك تـقــلــــيــب الامـــــــور





مع تمنياااتي للجميع بالسلامة.


..

[الغريب]

روحـت الأزرق يــم ناس لـهم شــور
ناس تقــدر عـانــي الـــدار تقـــديـــر


وطلـعـت أنا لحسـان والبــذر منثـور
وشـفت المـناقـع عشـبها طالــعً غيـر


والغيـم فـوق الأرض والقاع ممطور
شيءً جمالـه صعـب يوصف بتعبير


لـونـه يفـرج هم قلـبٍ لـه أشـهــور
هـمٍ غـريـب ولا عـرف لـه تفـاسير


البر مـا مثـله وأنـا غـيـــر معـــذور
لاصرت ممشي وسط ذيك النواوير


وقت الفجر نصحي قبل يطلع النـور
ونصلي الواجب جماعه على خيــر


مَــعَ رفـيـقٍ بالمــواجـيــب مخـبـور
لآمـن نخـيـتـه ما تَعـــذر معــاذيــر


يقدم الواجيـب بلا إسـراف وقصـور
رجـل فهيـم ولا يجـي منـه تقصيــر


ماهـو من اللي دايم إيلـف ويــــدور
اللي معـاكــس دايم لوجهت السيــر


اللي يغـث البال وبالهــرج مطيـور
شـخصٍ لئيم ولا يجـيــب التباشيــر


هـذي حـلاة البر والعمــر مخطــور
وقته محــدد. وكل محـــدوداً أقصير




من بوح قلمي المتواضع

أبوسامي البدري (الغريب).

9-5-1431هـ

الأزرق = منطقة بالأردن.
حسان = شعيب على طريق الصفاوي بالقرب من الازرق.

...

[الغريب]

أليا حْضَرَت ما تنفعــك كثـر الأصــوات
ماغيـر حــزن يقـطـــع القـلـب تقطيـــع


وحتى إن سمعت بداخلك حزن الاموات
من يستطيـع إِيــرجْــعْ العمــر تـرجيــع


مافــات..فــات وكل مـافــات قــد مــات
واللي يمـوت إيِــوَادَعْ بــدون تُــودِيـــع


واللي يفيـدك يــاكسبــت الجــمــــــالات
ماكنت قدمته..شــراء..كـان..أو بـيــــع


وحفظت نفسـك عـن قبـيــح العـــبارات
وسـرك حفظتـه داخــل الصــدر لايـذيـع


وعلى الصلاة احـرص وخــل الملـذات
هـاذي حــلاة العمـر قيض ومــرابـيـــع


وخـتامـــها مـنـــــي ســــــلام وتحـــيات
على النـبــي اللـي لـه المسـلــم أيطـيــع




من نزف قلمي المتواضع

25-5-1431هـ
ابوسامي البدري(الغريب).

[الغريب]

.....

عشـقـتــكــم مـــن دون قـاصــي ودانـي
من دونهــــم نغـلـيــــك يـامــودمــانـــي
إي والــذي بشــباك حــبـــك رمــانــــي
من دونهــم حـبـيـتـكــــم يريــش العيــن


تكفــى على هـونـك واســـمـع كلامـــي
ماني صغيـر وخايــف من المــــلامــي
ولاني مســوي مثـل شكــل الحــرامـي
قصدي شــريــف ولايجــي منـنا شَــين


قصـدي أعَــرف أشعـور قلبك تجـاهـي
ومـانــي بلعـبـه مثل وصـف المـلاهـي
لعبـت بــي لعـبــة صغـيـــراً إيـباهـــي
ما تاســعـه فــــرحـتــه غـطـابها الكون


قـلـي وأنـا بســمـع على ويــش نـــاوي
معـي تـرانـي شـخـص مـانــي بقــاوي
من شـفـتـكـم جـتـنـي كثيـــره بـــلاوي
خــايــف يجيـنـي رد ماهـوب مـوزون


رداً يغــــث الــبـال والــبــال تــعــبــان
من ما جـرالـي صرت يــازيـن حيـران
ولولا الأمــل راجـيـه مـن عالي الشـأن
كان انتهيت وراحـت أحـلامـي أطعون


أنـا انتهيت وراحــت أحـلامي أحــلام
من يوم شــاهـدتــك مـرسـم قبـل عــام
بس الأمــل دايــم مــــع الشخص قـدام
بس الأمــل لايضيــع يانجــل الاعيون


افــرح لـياجـــانــي خــيالك لـحـــــالــي
بـالليــل أحســبـه صــدق ياعـز غــالـي
أفــــز مــن نـومــي والاحــــدن درالــي
الله يصبــر صـاحبــــك بــــس يـا(....)


يـا(......) قـلبــي مـن سـببـكــم عــليلي
امشــــي بـهـالـــــدنــيا مضيــع دلـيـلـي
وكل ما طلبتـك قـلـت لـي مستـحـيــلـي
إنــي أشــوفــك لـيه مـاتقـولِ يـا (.....)


اســمـــع كــلامــي قبـل تعتــب عـلـيـه
أبــي أتـركــك كـان ارتـكــبنا خطـــيـه
نفســي عـــزيــزة مـاتــدان الــرديـــــه
أنـا بــدوي يابـنـت وانــتـم تعـــرفـــون


وأخــتامــها منــي صـــلاة وســــلامـي
علـى النـبـي المخـتـار جـال الغـمـامــي
عــن البشـــر يــوم الفـتــن والاثــآمــي
صلـوا على المختار ياللـي تشــوفـــون



5-6-1431هـ

من نزف قلمي المتواضع..
ابوسامي البدري (الغريب).
.....

[الغريب]

.....

وش بـلا حـظـي خـذلنـي ليش مــدري
.................................حـــظـ قـاســي والبشـر مـآبَـه حــنان


كنت كاتم كــل شــي بوســط صـدري
.................................لكن بعلـن ماســوا والــوقــت حـــان


يالحـر الأشـقـر نخيتك وأنت تــدري
.................................أبوســامـي ما ينخـى شـخـص جـبان


أنت نعـم ليانخـيـته, شـي فـطـــري
.................................إني انخــى شـيخــنـا جـهـــراً بـــيان


والمصاعـب ما حمــلها فرخ فـــري
.................................والجبان ابن الــردي يبقـى مــــهـان


يآبومحمد مـن سـببهـم بـاح ســـري
.................................ومن ســـببهــم مابقــالــي مـن كيان


ويــل قلبـي صار ساعات ايتطـري
.................................مثــل ورع فَـطـمْـتــه قـبــل الأوان


انصـحـه وأراقــبه كنــي تحــــري
.................................قــال خلن مافـيه ألنصحــك مـكان


قلـت تكفـى؟ قـال ما يفيـد التــدري
.................................قلت قلبي؟ قــال هــذا مـن زمــان


قلت حظـي؟ قال ما يفيـد التـذري
.................................خـلنـي نـايـــم تــرانــي بمتـحــان


هــذا حظــي لا خـذلني قلت مــدري
.................................وصدق مدري وش بلا هذا الحصان؟



6-6-1431هـ
من نزف قلمي المتواضع
ابوسامي البدري (الغريب).[/SIZE]



رد الحر الاشقر/ سلطان محمد المعجل

هاذا حَـظّـك .. يا ابو سامي وتدري!!

...............................لو ًهو رجالِ(نِ) قتلته مِن ِزمان!



والّلي ْبصدرك ِمثِل ماهو ِبِصدري
....................................ْوحظك ْوحَظي ترا واحد سيان




ولو على كيفي وكيفك حل جذري
.................................كان رسمناها على كيفك..!. وكان...!




القدر مكتوب على قدرك وقدري
..................................والحظيظ اليوم من مات بأمان



ولو يطول الوقت في عمرك وعمري
................................. الزمان يَــْتعِـبنا في َوقتِه كِمان




خلّـني يا خوك على عذرك وعذري
................................اننّا مِــن غير حظ (نِ ) أو مِكان




ما اقول الا عسى قبرك وقبري
.................................روضة ٍ من روض جنات الجنان



ولِك تَحيه مَع تقديري وشكري
................................تاِصِـلك مَع َورد َمرفوق ْفبيان

v

سلطان المعجل
v [/CENTER][/B][/B][/SIZE]

[الغريب]

.....
عقـب التقــاعــد ماعنــدي شـين
.................... ماغيــر تضبـيـطــت ألكــأســه


وان ضاق صدري مع السيدين
.................... على الشــبـح ينعـش إحساسـه


ومـعــي جــوازي أبـو ســيفين
.................... مـن يحـمــلـه رافـعــاً راســــه


روحــت يـم القصيــر حسـين؟
.................... للهاشـمي يــم..م ؟ (..........)


وإلا عـلـى الجـيــب أبـو بابـين
.................... إنـوَقْــــفـْ بالـبـر وطْـعــاســـه


نـأخــذ لـنا حــروة الشـهــريـن
.................... نـنـهـــــل مـن البـر ونْـفَـاســـه


مَـــعَ رفيـق(ن) كـريــم وزيـن
.................... ماهــو غشــيمٍ بقــرطـــاســــه


ونبْعـــد عـن أمْــورد الخــديـن
.................... لــوكــانــت النفـــس حســاسـه


يمكـن ننســاهــم مــع المنسـيـن
.................... ونكتــم على الوضـع بالطـاسـه


صحيـح قـلبــي مـع الحـلــويـن
.................... لاشــك كــل شــي وقـــــياســه


قلبي نظيف (ن) مايعرف الشْين
.................... ابـيـض تقـــل لــون كـــراســـه


واللي إيضَـيــعْ مـــع الغــــادين
.................... كل شـخص يرجـع على ساسـه


الشْـين يطـلع إنتــاجــه شـــيـن
.................... وســـوالـفــه دوم محـــتـاســــه


مايعـرف يمسـي مـع الممسيـن
.................... مثل الـذي يحـرس احــراســه



من نزف قلمي المتواضع
9-6-1431هـ
ابوسامي البدري الاشجعي(الغريب).
.....

[الغريب]

لوا أفترقـناوابتعـــدنا مســافـــــات
=تبقــى عـلاقـتـنا عــلاقــة متينـة


تبقـــى عــلاقـتـنا عــلاقــة صداقات
=وصــدق التعامــل بيننا خابرينه


صدق ومحبه دون لمز وحزازات
=وأبــــونـــا آدم كـلـنا عـارفينه


صدق المحبة والمعــزة لنا إثبات
=من الله خلقنا والوفاء محتوينه


حنا العرب دايم نحب الصعيبات
=والطيب في قاموسنا حافظينه


ياما غـزينا فـوق خيل أصيلات
=واللي وقع بنحورنا ماخذينه


نأخذ على العدوان صولات.جولات
=واللي خذينا اصغارنا محتمينه


صغيرنا لوهوا على الديد بالذات
=نـابـه شــطير ولا يدان الغبينه


يكفي عرب من كل صوبٍ ورايات
=وإخواننا اللي رافَقوا بالسفينة


من ينطق التوحيد من فايتٍ فـات
=يبقى حريص ومخلصٍ لأجل دينه


حنا العرب نصبر على كل صعبات
=مثل الجبال الـراســيات المتينه


نصبر كما تصبر جبال السـراوات
=وحــق المَعَـْرفَـهْ كلنا كـافـلينه


قد قالها من قبـل ياسـر عــرافات
=حنا الجبال الشامخات الحصينه


ولو ابتعدنا عن بعضنا مســــافات
= تبقـى عــلاقـتـنا عــلاقــة متينه[/center][/size]


11-6-1431هـ

ابوسامي البدري الاشجعي(الغريب).

[الغريب]

.....

شـــفـته بعـمـان واقــف مـع أبـــيـه
وان مشى في مشـيته ماهـو سـوى؟


إيتعـطـف بالمـشــى مـالـه شــــبـيه
غيـر غصناً يتـلاعـب فـيه الهـــوى


مـن يشـوفــه قـال باســـم الله علـيه
لو يشـوفــه عـابــد(ن) منـْـه غـوى


من يشـوفــه قـال حِسْـن الكــون فيه
والجــمـال اليوســفـي فـيها ضـوى


طـاغياً فـــ الــزيـن والعـقـل النبـيه
والصـفـات الطـيـبـه لــه محـتــوى


جيـت جنـبه قـلـت لـه آه؟ وياهــيه؟
قـال وشـبك؟ قلـت لـه عايـز دوى؟


قــالت بـابـا؟ قـلـت البابـا مــا نبـيه
يكـفـي أنتـي؟ قالـت لـي بابا لــواء؟


قلـت يعنــي؟ قـالــت بـابـا لاتجــيه
واللي تفكــر فيه ترى مـالـك لــوى


وانس موضـوع المعـرفـه يانـبـيـه؟
قـلــت حـظـــي خـابـره وردا ذوى



من نزف قلمي
22-6-1431هـ
مع تحيات ابوسامي البدري(الغريب).

.....

[الغريب]

.....



خلاص قـررنا نغـادر على طــول
ماعــاد نـرجـع ليـن ربــي يحــلـه



أنبي أنتمشى بين ضلعان وسـهول
وفـوق الهضاب النايفـات المطـلـة



وماني براجع قبل لايعدي الحـول
وبـأذن الولي هـذا القـرار بمحــله



ودي أناظر جول غـزلان ووعول
شـوفَـهْ عـلاج لكـل هـم(ن) وعلـه



في ديرةً لهل الولـع طبعـها يِهـول
أســفوح خضراء شــوفـها ماتمـلْـه



ما مربه من كـان دايخ ومسطول
مـوقـع قليـل من البشر من يـدلـه



بعيد عن هرجاً بالالسان معسـول
وبالصـدق قـلـبه فـيه مليـون غـله



مَـعَ خوياً يشـرح الصــدر بالقـول
عـزل الـرفيـق وصاحـبه مـايـمله



هذي منات النفس والرزق مكفول
عند الــذي يعلــم صغيــره وجـله




من نزف قلمي
ابوسامي البدري(الغريب).

27-6-1431هـ

نلتقي كان بالعمر بقيه
.....

[الغريب]

بتســـم يـاقــلـــب لاتشـيــل الهـمــــوم
خـل عنـك الهـم وظـــروف الــزمــان


شـيل حمـلك مثل ما تشــيــل الهـــدوم
ومـا كتــب لك صايـبك خــذهــا بـيـان


واعتبـر مـن كـان قـبــلك مـن قْــروم
مـن السـوافـي بيـوتهــم صعـبٍ تَــبَان


وش خـذوا مـن هـالـدنيا غيـر الحطوم
ومـا حـطــوا بحســابهــم قـبــل الأوآن


كـان خيــراً ياحـظــه ماهـو أمْـحَــرُوم
وكان شــراً ويــل حـالــه يــوم حــان؟


يـوم حـان حسـابـه المخطـي الظـلــوم
ويـش عــذره لاسـئـل هــو ويـن كان؟


يــوم شــاف أفــعــــال يـــده مايقـــوم
فعـــــلٍ أقشـــــر أوصله درب الهـوان


أنــت فالــــدنــيـا مسـيــر ومْـحَـكُـــوم
مايفــيـــد النــوح مـع عــظــ الــبــنـان


ورزقــــك الله كـاتـــبه شي أمْـعَـلـــوم
لـوعـرظــــلـك حـاســداً خبــلٍ جـــبان


وأبتســم يـاقــلـــب .. حــزنـك لايدوم
الحــزن يجـلـب الـراعــيـة الجــــنـان



أبوسامي البدري(الغريب).
10-7-1431هـ

[الغريب]

.....



ياحــظِـ قـلــي وش بـــلاك أتْصَــدد
ودي تقــول الصـدق هـو ليه صدك





لازم تعلـمـنــي عــلامــك أمْـحَـــدد؟
وراك بـاقـي؟ لين مالـزمـك حــدك




صبري عليك أسنين لو جيت اعـدد
ولا فاد صبـري فـيك لعن أبوجــدك




يـاشــيـن قـلـي وش بــلاك أمْـتمـدد
ليتـك تفــارق والــولـي مـا يـــردك




أســامــر اللـيــل الكــئـيـب أمْـتـردد
وبالليل أردد جــــد؟ من فـيـه قـــدك




من فـيـه قــدك؟ بالبــلاوي أمْشــدد
ليش التشـدد؟.. ليـش تصعير خـدك




جــودك علي ودايــمـاً لـي أتـهـــدد
خــلاص فــارقـنــي تـرى ما نودك



من نزف قلمي
أبوسامي البدري(الغريب)
28-7-1431هــ
,,,

[الغريب]

.....

مـاطـولك ياليـل الشــقـاء والتعاســه
لاجيت مقبل جـت همومي كما الليل



مـافـيـك خيـر ولاتجـيب الـوناســه
ماغيـر ضيـق يبهــذل الحال تذليـل



لبستنـي ثــوب الشـقـاء في قـياسـه
كنه مفصل لي على الحال تفصيل



حاولت أكون مجامـل وبي سياسه
وأقــزرك مابـيـن مـزح وتعـاليـل



لاشك حولك عن خصيمك حراسه
وياويل حالي منك صعب المناويل



ولوهي فَرَاسه كان أخذتـك فَرَاسه
ربعي هل الطولات جيل بعد جيل



عـز الـرفيـق وجـارهـم له ونـاسه
امْـدلهـين الجــار..نعـم الـرجاجيل



ماهم من اللي ســلمهم بـه خسـاسـه
أمْطـردين الضيـف نـاسٍ مـهـابـيـل



وكـلن على مـاقـيـل يـرجـع لسـاسـه
وكلن أبْيجني مـازرع من محاصيل



وكلن بيشـرب مـن حلى حلو كأسـه
ولاهـو بناشـد عن اعْـلـوماً تهـاويـل



وخـتامـهـا يــاليــل كـلك تعـاســــه
متى تفــارق عني اليـوم وتحـيـــل؟



من هواجيس افكاري
ابوسامي البدري(الغريب).
29-7-1431هـ

.....

[الغريب]

.....

لا أتَخَـضْـع لا تحــاول تنكسر لجــل الحبيـب
الــوليـــف اللي يــدور ذلتــك لا تعَبـره


والله أن دمـوع عاشـق, للرجْال اكبر معِـيـب
وكسر نفسك ياهواوي, أنت بيدك تجَْبَره


أنت تقدر واسـتمع لـي, لا تقـول انه صعـيب
الصعيب دموع رجـلٍ له كيان ومقــدره


والله أني لا قريت لشخص يبكي مـن صحيب
شي ما يفرح خفوقي, وأقول الله يجْبره


من تخـلـى عنك خـلـه.. تَبـْعَـتْ المقْفين عيب
والمعـالـي يآبــن آدم كـل أبـونا نَخْـبـَره


انس من يهجـرك, خله لين من هجره يطيب؟
وان رجعـلك صد عـنْـه, وبْخَطَاه إتْـذكْـره


لا تقـول الحـب صعـبٍ مـالـه عـلاج وطبيب
عالج جــروح التجافي فـــ القلم والمحبره


وعِــرف إن الضيق يأتي قبل ماشمسك تغيب
ولا جلست أتْدير فكرك فــ السنين الغابره


وآخر الليل الهموم إتْـجـيـك في طرقٍ عجيب
فيه زين وفيه شـين وفيه صـعـبٍ تغيــره


ولا تفاخر لا مدحوك وقالوا أن أفلان ذيب؟
الذياب (.؟؟.)(صحرى) وأنت الكون أتْـدبْره


من نزف قلمي
ابوسامي البدري(الغريب)
7-8-1431هـ

[الغريب]

.....
ياشذى الأسحار في فصل الــربيع
يا شهد صافي مثل ماي القـــراح


لو يشوفك جاهلٍ تولــه رضـيــع
مايجي له نــوم يسهــر مسـتـراح


لـوعطــوه الـديـد عـيا ما يطـيــع
وكــل مـا يتـذكــرك زاد النــيـاح


كيف وأنا راشـد وعاقــل سـميع
بقتـدر فـرقـاك يا ريــم الضـياح


سـهم عينك لانظـرني منه أضيع
ياشعاع الشمس في وقت الصباح


حكـمـك بحقـي ترى ماهو سنيع
ارحم اللي في هواك اليوم طاح


اشهد ان الحي من عقبك فضيع
جـوه معتــم ونـور الحـي راح


وكل ما حاولت أبا أنسى ماستطيع
كامل إحساسي مع سيد الملاح



من نزف قلمي
أبوسامي البدري(الغريب).
14-8-1431هـ

.....

[شيهانه]

ديوان رائع وكبير



ابداع وتمكن .. وتمييز


صح لسانك ولا تهون ..

[بنت البدور]

صــح لسانك ،،،

ابـــداااع

جاري القراءه ....

[الغريب]

شيهاانه بنت البدووور
شكرا ع الاطراء من اخوات عزيزات علي
دمتن بخير

[الغريب]

لون جديد من القافية أتمنى أن تنال استحسانكم.
ومبروك عليكم شهر رمضان المبارك كل عام وانتم بخير..



الكبـد يافـاتـنـي الشــوق مــخـــرثها
= والحال من بعـدكم زايــدبـه إخراثه


أحاول أنسى جروحي وأنت تحدثها
= وتزود في جـوركم بالجرح وحـداثه


يكفيـك روحي معاكم وأنت وارثها
= معـــاك صـكٍ يثبت صـدق الاوراثه


وخـل العلوم القديمه ليـش تحـرثها
= مافيه داعي ترى الماضي يبَ حراثه


مـافـات خـله لـرب النفـس باعثـها
= عـالم أسـرار البشـر ووقـات مبعـاثـه


خـل التعب والبـلاوي مـع غثايثها
= على الــذي يحيـي المبعــوث بغـياثـه


مايـرد رزقـك حسـادٍ زاد لا هثـها
= لوحـاولـوا يقـطـــعون الـرزق بلــهـاثـه


والكبد ياصاحبي البعــد مخــرثها
= تكفون ياللـــي ينــادونـك بم (.....)



من نزف قلمي
ابوسامي البدري الاشجعي(الغريب)
4-9-1431هـ


.....

[الغريب]

قلت هذي الأبيات عند ماسمعت من البعض الهمز والمز بعد مااستقلت من وظيفتي.





ضيم الزمان وهــرج نــاس متــاعيس
يذبح كريم(ن) وان حصل له إفلاسي



ماهمهم غير الحكي والوساويس
مثل ال (؟؟؟؟) ملعْقات التباسي



كن المصايب عندهم مالها قيس
في سلمهم تدبير ماله مقاسي



هم ماعرفوا أن الولي مهل إبليس
من شان ذنبه ما تشيله رواسي؟



من شان يوم العرض يلقى متاريس؟
على الصراط..اشلون يلقى مداسي



أبي اصرف اللي خابره داخل الكيس
والرزق بيد اللي على الكون راسي



مـايستــر الـرجــال غـال الملابيس
لوأستتر في ماشرى من الباسي



رزقي على اللي يرزق الطير ياهيس
ماهو على اللي يفتخر بالكراسي



مـانــي مــــدور عند ناسٍ مفاليس
من الرجوله اسم من غير ساسي



لاتسيسون الوضع يالربع تسييس
ماني كماتعرفون شخصٍ سياسي



ياهيه ترى علم الخريطه مقاييس
دامك غشيم ليش تضرس اضراسي



علم الخريطه رقم؟ رمز؟ لتضاريس
يصعب عليكم حلها يال (؟؟؟؟؟؟؟؟)






ابوسامي البدري الاشجعي(الغريب)
14-9-1431هـ

[الغريب]

عشرين راحت من شهر الخير= مـرت ســـريـعــة لـيالـيـها


والباقـي عشــرة بـهـا التبشـيـر= في ليلــة القــدر نـرجـيـها


ونطــلبــك يـاربــنا التيســيـــر= النفــس للخـيـــر تهــديــهـا


وتهدي من خالف لخـط السيـر= مـن قـصــر بــأول لياليـــها


يلـوم نفســـه على التقـصـيـــر= وحالــه على الخير يقـديها


والناس ما ينقـصــه تبصـيـــر= فـهـمـانــه بــأول وتالـيــها


لا كـن نصيحـه بـلا تفـسـيـــر= واضح في مجمـل معــانيها


اللي يقـبـلــها يـريــد الخـيـــر= ونفسـه على الخير يهـديها


رزقك يابن آدم من رب الطير= رازق إعبـاده ومعـطــيـها


اغنم شـبابــك قبـل لا تصـيـر= حـاجـتـك صـعبـه تسـويـها


فـكــر وزوُدْ مــن التفـكـيـــر= وخـل المعاصـي لأهـالـيــها

[الغريب]

ياللي لنفسي ملكت وصرت محتلي
أبي استقل إن سمحت وهالخطاء عده


من شافني قال وشبك؟ ليه من سلْي
قلت الحقيقة بعيده .. ما نعرف حده


اضحك مع اللي يجيني مخفين علْي
اصبر وأكابر واسوي حالي بشده ؟


طيف الغضي دايم معي مثل ظلْي
ما فارقن طيفها من صافيٍ خده


تكفون ياربعي؟ اللي رايح لخلي
إيعلمه ماجرالي .. اطلبه الرده


عسى النمايم ومن سعى بها يولي
في نار حكم الولي لوطالت المده

حمل الهواوي صعيب وصعب ينشلْي؟
ما يقدره فارسٍ بالحرب له رده


عنتر مع اللي بغاها صار من ذلي
لاشافها صارت أعلومه على قده


هذي حقيقه تراها مالها حلي
الحل عند الغضي وعلاجي بيده


من نزف قلمي
أبوسامي البدري الاشجعي العنزي(الغريب)
22-9-1431هـ

[الغريب]

.....


مــاراح راح ولا تفـــكــــر بــمـاراح=مـــاراح لايمـكــن بنـقــــدر نعـيــــده

مــاراح كــنـه بـارق(ن) لنظــر لاح=ذكــــرى نشــوفـــه فــ اليال البعيـدة


كــنا أصــغـــار وبالــنا كـان مرتاح=مــاهـمــنا غيـــر العـلــوم الفريــدة


مـاهـمــنا غيـــر الحجاوي والامزاح=وعظيـم ضــاح ؟ اللي يجيبه نصيـده


نقـضــي لـيـالـيـنا ســـواليف وأفراح=أقــلـوب بيــضاء ماتعــرف المكيـدة


ياليـت ذاك الـوقــت يـرجـع ونرتاح=مــن هـالهـمـــوم اللي تجـيـنا نكـيـده


كم كنت أحاول نخفي الهــم ياصـاح=لاشــك غــدر الـوقــت همـي يـزيـده


غدر الزمن زود على روحي أجراح=شي(ن) مقدر غصب, ماكنت أريده


غديت مثل الخيط في جــوف مسباح=اليانقـطــع يـرمـى ولا احـد(ن) يعيده


هــاذي ليـالـيـنا بـها أفـراح وأتــراح=الـوقــت بـاقــي والعمـــر هـي تبيـده


من طاح فيها راح من عرض من راح=أمــور عـــادي مـــو عــليــنا جـديــدة


وصــلاة ربـي كثــر مـا الصبـح ينباح=على النـبـي أعـــداد نشــر الجــريــدة

من نـــزف قـلـمــي
أبوســــامـــي البـــــدري (الغـــريـب)

26-9-1431هـ

.....

[الغريب]

جـل مـن صـور جمـالك ياجميــل
لا تخيب واحـد(ن) فيكـم شـغوف


يابخيـل في كـلامــك هــالقـلـيــــل
ياشهــد صافي على الباقي تنـوف


لوبغيـت أوصفــك هــذا مستحيـل
لابغيت أوصفك بتضيع الوصوف


الجمـال اليوســفـي فيـكـم يهيــل
من جمالك..غيركم..ماعاد أشوف


وان نويت ابحث وأدورلك بديل
مايـريــد القـلب غيـرك ياهنـوف


قـلـت يـاقـلبـي علـــيــه لاتميـــل
من تكبـر نتـركـه خــلـه يطــوف


قال هـذا يابـوسـامـي مسـتحيـل
كيف ننسى واحدٍ طبعه عطوف


كيف بسلا واحد(ن) منْه عليــل
بوجديل(ن) نازلٍ تحت الردوف


من يشــوفـه ضـاع يبغـاله دليـل
مايطيع النصـح لوهـم بالألـوف


طـالبــك ياعـقـــد لـولـو لاتعيــل
ساعــد ألي داخـله مثل الـدفـوف


من لمحتك صرت في وضع(ن)هزيل
ما ننام الليـل والعقــل مخطـوف


كنت احسـب أني قبـل شوفه ثقيـل
بس مدري وش حصل ليه ظروف


سـاهـراً بالليل.. وماعرف المقيـل
حـالتي صعبه مثل حال ابوعـوف


وياجميــلٍ كــل مـافـيــكــم جـمـيـل
ارحم المصيوب من طعن السيوف




من نزف قلمي

ابوسامي البدري(الغريب)

28-9-1431هـ

[الغريب]

إن جىَ الردى من لا تظـن الردى فيه=أكيـد يصـبـح عـنــدك بـــدون قـيــمــه

وان جاك من شـخصٍ تعــزه وتغـليه=صــدمـه كبـيـره والعـواقـب وخــيـمه

أكيــد راح بتـتــــركــه دون تـرجــيـه=خـــلـه يـولي مـن ســــمـع للنمـيـمــه

شخـصٍ مثـل هـذا عسـى الله يهــديـه=فـاقـــد بصيـرة والمــبادي عـقـيــمـه

لابـد يصحـي والمصايب أتْصحـــيـه=صـكـات بقـعـا قـاســيه .. بـل أليمـه

كـم واحــداً فـارق عـزيـزاً أمْخاويــه=دنـيا قـــويــه .. ماتعـرف الهــزيمــه

وخويـك اللي دون ربعـك أتمـاشــيه=خـــل الصـداقـة بالحــدود الســلـيمه

لا يِعَرف ما تخفي على الناس تتقيه=والحـر يعْـرف .. بالاِشَـاره فـهـيـمه

ســرك على غيـرك حـذاري تبـديـه=مبطي نصيحه من عصـوراً قـديـمه

بعـض البشــر لايمكــن السر يخفيه=عايـش بالهــدنـيا ســوات البهـيــمه

يبغضك لو قصدك على الخير تقديه=كـله غـشـامـه .. عـايـشٍ هـاللخـيمه

ولا تماشـي النمام .. بايــع مـــباديه=كـل(ن) يــــذمــه بالعـلــوم ألئـيــمه

يـرمـي عليك من المقـالـب بـلاويه=مافـيه خيـر ونفـس مـاهـي كـريـمه

يسعى على تشـويه سمعتك يـاهــيه =عايـش بهـالعـالــم ســوات الفطيمه

ابعــد عـنه لـوكـان شـغـلك بـيـاديـه=فـراق مثـله .. عَنْـك.. اكبـر غنيمه

واحرص على اللي ينتخي دون عانيه=ألي كـرم فـعـلـه تقــل (ديـم) غـيـمه

اللي ينـومـس كـل مـاحــل طـاريــه=شـخـصٍ كريمٍ والمـواقــف عظـيمه

بالحـق يفـزع .. كل مظيـوم يحميه=ياقـف معه في كل فـخـر وعــزيـمه

هـذا الـذي فـي غـالـي الـود تشـريـه=وان جـاك يلقـى كـل قــدر وحشـيمه

هـذا بعـض مابخاطري قلت أبَـاهْديه=على الـذي يسـمـع لحـكـي النمــيـمه..





من نزف قلمي المتواضع
ابوسامي البدري(الغريب).
20-10-1431هـ

[الغريب]

موجهه للشيخ / محمد فرحان المعجل (ابوفيصل
أمد الله في عمرة...



ياراكـب اللـي لامشـــى مـايهــزي=مشــروبه الممتاز ماخالـطـه كــاز
ياصـل عزيز(ن) للمسيــر يفــزي=محمـد الفـرحـان للطـيـب مـركـاز
شامـخ وربعه تحت جـالـه بعــزي=على العـلـوم الطيـبه والكرم حـاز
ســلـم علـيه .. وقـل ياعـز عــزي=شف وضع من حالة للأدنين معتاز
الوضع صعبٍ والمواقـف تحــزي=على نفــوس أربـوعـنا يـابن عناز
أنت الــذي للجبن بتقــول طـــزي=مآيَعْرف الخوف لضميرك تمركاز
على الفخــر يـاميــر نبـغـى تدزي=برقـيـة للـــي علـى الـنايــفــه فــاز
على ولـي العهــد نـايــف تـكـزي=تشرح له الموضوع سطرين بنجاز
حيـثه مـن اللي للوطـن فيه عـزي=للأمن راسي .. حر.. مايشبه الباز
هـم عـزنـا وان صـار لـز وملـزي =هم فخر وايـل علمهم للفضاء جاز



أبوسامي البدري الاشجعي(الغريب)


23-10-1431هـــ

[الغريب]

ترى الموضوع من نسج الخياااال لأحد يروح باله بعيد هههههههه





ان قلت قسمه شـوفـتـك يابعــد حي
عسى الولي يازين يفرج ظـروفـك



وان كـان متعمد نشـوفـك بالهــزي؟
ضـيعتـنا مـن قبـل نلمـس كـفــوفك



الشمس غارت من حلى طلعتك لي
ياكامل الأوصاف محلا وصوفــك



القـلـب ياشـافـك غدا داخـلــه ظــي
يرقص فرح ساعة تجيه ويشوفــك



يرقص طرب فرحان عـيا يهـــدي
وده يجي قربك .. بجنبك يحـوفــك



ودي بكـم لـوكانـت الـناس ضــدي
ماهمني حكي العـرب في كنوفــك



أنت المـلاك اللي على مهجتي ذي
ملكتني مُـلك الرســد في كهـوفـــك



تأمر وتنها والعــرب مالهــم شـيء
بس أنت أكمل مابــدأ بمعــروفـك



لاتستمـــع هـــرج المبغضيـن يـا...
لـفـاتهــــم مـــاودي انه تطـوفـــك



والحـي لابــده تــرى يلاقــي الحي
لوطـالـت المدة بيــوم(ن) نشـوفــك




من نزف قلمي
ابوسامي البدري(الغريب).
25-10-1431هــ

التوقيع :

[الغريب]

.....


العمـر لو إيطُـول راح شـمسه تغيب=كنه الــورد يـذبـل بعــد ذاك الليان
والله إن اليالي مـالـها مـن صحـيـب=دايم الغـدر سَلْمَه من قـديم الزمـان
جرحها لاغدرت ماله عِلاج وطبيب=دون تنذر تهاجــم مـالـها من أمــان
كـم حبـيـب تخـلى عنه أغلى حبيب=بعد ذيك المَعَـزة, كـن مـالـه كيان
بآن حب السوالف والأمر فيه ريب=دام وقتٍ نعيشـه صار مآله ضمان
اقرب إنسان يمك يخدعك دون طيب=مايهمه خداعك شخص مآبه حنان
أنت ياللي تحـاول إن رأيك مْصِيب=لاتحاول خداعي بُعدك اليوم حان
ابعد النفس طابت يالحبيب العجيب=افهم النفس طابت روح مالك مكان
كنت أشوفك ملاك ولايجي منك عيب=بس شفت الحقيقة غدرك اليوم بان
واختمه لك واكرر روح مالك مُجيب=أنت واحد حقود وشخص أيضاً جبان


من نزف قلمي
5-11-1431هـ

[الغريب]

ويش أقول بما نظرته كنت احسبه حلــم ليل=الشَعر أشْقر حريري نازلٍ قـرب الخــدود
والخــدود مـزهــرات كـنها وردا جـميــل=والشفايا مـرسْماتٍ ديرماً من هـالـوجــود؟
وان نظرت لرسم وجهه قلت هذا مستحيل=إن يكون من البشر.. زين عن غيرة يزود
ذا ملاك في جماله .. بل جماله ذا يهيــل=من وعيت أعلا البسيطه مامثل زينه عه؟؟
به جمالاً مـوطبـيعي يالله أني بـك دخـيل=عن عيوناً لانظرني ســود ملعون ال؟؟
ويش أوصف أيش اخلي منه ضيعت الدليل=الحقوا سرعه عليه قبل لا أتعدى الحدود؟
شـوفـولي حل مناسب عنه مــاودي بديــل=اطلبوها بشرع ربي .. منتظر منكم ردود

من نزف قلمي
أبوسامي البدري (الغريب).
10-11-1431هــ

[الغريب]

صـاب قلبـي مـن سـبايـبك اهتزاز
بس حاسب لايضرب معي الفيوز

كن بقـربـي شـوف قلبي كالقـزاز
صـافـي (ن) لك هـيـه يابنـت؟؟؟؟

لآ تحسب الحــب كلٍ فيه فـــــــاز
فيه زين وفيه شــيءً مايجــــوز

ويالجميـل الـي في عينـي بمتياز
لاتحــاول تبتعـد لــي فيـك عــوز

أنت وحدك من على الخفاق حـاز
ياشهـد صافي وريحك ريـح روز

ارحم اللي غـرز في حبك غـراز
وعن هـواكم لايمكن انـه يجـوز

وإعِــرف ان الغـدر مافيه اعتزاز
في قاموس الصدق ماحدٍ به يفوز

لاكن اسـمع حـالتي ماهـي عـزاز
من بعد مارحـت كنـي بمحـجــوز

من نزف قلمي
أبوسامي البدري (الغريب).
15-11-1431

[الغريب]

خــذ بــدلتــي وبريهتي والبصاطير=سلم عليهم قل لهم يفصلـــــونـي
ما قصدي أتركهم دشاره وتقصير=لكن نسيم الليل هيض اشجــوني
حب القنص والبر وملاعب الطير=وجلسة نشامى بالوفا يعرفونــي
بلغ لي القايــد تحـيـة وتقــــديـــر=وعلى طابور الصبح لا يحتروني
................................

المجاراة لهذه الرسالة اعلاه والتي وصلتني عبر الجوال

جتني رسـاله منـك يمـلاعب الطير = وهيضـت فيها خافيات الشجــوني

خذني معك هالحين من دون تفكير = نبي نشوف العشب تحت المزوني

أنا اشهد إن الوقت ياصاحبي غير = تخالفــت سـلم العرب واللحــوني

كل(ن) على ليلاه يعـزف مـزامير = ماهمــهم غيــر الكـلام الفتــونـي

ناس كـفا الله شــرها مابـها خيـر = غيـــر الكلام الشين يسهر عيوني

اقســم قســم بالله مافـيه تفسـيـر = للــي يســوونـه بنا هـــالعـفــوني

واللهِ مـــاجــا مـننـا أي تقصيـــر = ماغيــر حقدا عندهـــم يرســلوني

معـهـم ؟؟؟ وجـهـها وجه خنزير = ســوت ســوايا ناس مايستحـوني

وأحــنا أبعــادٍ كنا نأتي مــسايير = وشـلــون يــاعــالــم لنا ي؟؟؟؟؟

والله ماخــليهم قلوب العصافيـر = ولاغيـر اجـنـنـهــم لمــا يركعـــوني

ماقلت هذا الهرج من شان تبرير = قـلـتـه وكــاد وربـعـنا يخبـرونـي

قصــه حـقـيقيه ماهي كتب تعبيـر = هــذا الـوكــاد وكـلهـم يعـرفــوني

الشيخ عيد الله يجــازيـه بالخـيــر = فــك ؟؟؟؟ وإخـــواني إيناظروني

؟؟؟؟ بأعز إنسان.من هالمحاقـير =لـيـه أظلـمـونا ليـش لي يظلموني

ربي يجـازيهم شـتات وتـعــازيــر = وتخيـب رجـواهم ومـايـرتجــوني

وأنا احمد الله ماحسبت المخــاسير = ولآنـي مـن اللـي بالـردى يفرحوني

ولـوكـنـت مـن يسمـع لحكي الغنادير = كان اعتزلت الناس خوف الضنوني

لاشــك أدور لي مصــوغ وتـبـريــر = وش مقصــد اللي بالردى يحاربوني



أبوسامي البدري (الغريب).

23-11-1431هـ
ملاحظة:القصيدة تخص عائلتين (بيتين) فقط وليست معممه على الجميع..

[الغريب]

لوطني الغالي

رسم الوطن في داخل القلب راسي
ما تغيره كثر الهــروج الســخيــفه

انا سـعودي رافع (ن) دوم رأســي
مـثل الجـبال الشـامخـات المنيــفه

هذا الوطن خيره على الكل كاسي
مـدة كـريـمٍ مـا يـمــد الضعـيـفه

خيرة على الجيـران يوم المئآسي
وقفـة فهــد كل(ن) يخبرة وصيفه

وبعدة مليك الخير للشعب راســي
ابواليتامى وراع النفـس الخفيــفه

ويكفي سعودي رافع(ن) فوق رأسي
في ظل ابـو متعـب ادياري مريـفه


ونحمي وطــنا كـان هـالغيرناسي
واجـب عـليــنا لـولحـقـنا كـلـيــفه




25-12-1431

[الغريب]

لوطني العزيز

الوطـن حقـه عظيـم وكل واحـد له مــدان
كل من يسكن صحاري أو من يسكن مدن


وكـل خـايـن لأرضنـا بقـلـوبنا ماله مكان
لانشوفه ذا سـفـيه إنـسان هـذا مـو فـطــن


الوطن بقـلـوب شـعـبه لايـباع ولايـخــان
مخلصـينً في عمـلنا للمـليــك وللــوطــن


مخلصين لمـن حــوانا ضـمـنا كـله حنان
وفي وطنا ماسمعنا هرج مــوقـدت الفتن


عايشـينً في وطنا ننعم في أمـن وأمـــان
في قـيـادة خـادم البيتين ولشعبه حصــن


محتمينً في ذراهم عن صواديف الزمـان
يا الله انك تحتميهـم من صواديف الـزمـن


الملوك أهــل الحمـيا جـارهم يلقى الامـان
في كنفهم مايهوجس لافـي امـن ولا محـن





25-12-1431

[الغريب]

الهموم إكبار والموقف عظيم
والمصايب صايره حولي تحوم

بي هموم تشيب الطفل الفطيم
ومن كثر مابي عيني ماتنوم

بالنهار أحس لضلوعي حطيم
وآخر الليل أسْهر أبليا لزوم

يوم الناس أتغط في نوم(ن) نعيم
أنا في دنياي امشي به واحوم

لوسقيم(ن) قالوا أربوعي سقيم
ولوهواوي قالت الناس أمْحكوم

لكن اشكي وضع دنياي العقيم
حطمت بستان قلبي بالهموم

أول أمْي صابها جرح(ن) مقيم
ووالــدي اليــوم ما يقـدر يقـوم

حظ قلبي خابره مبطي لئيم
مايفوز بمعركه دوم مهزوم

ولو ماسل النفس بكتاب الكريم
كان قلبي في مكانـه ما يـدوم



اللهم اشف والدي شفاء لايغادر سقما
اللهم لاشفاء إلا شفائك
اللهم اشفه يارحيم
5-1-1432هـ

[الغريب]

بــدت تحكمني الأقدار على غير الذي أبْغاه
تمشيني صواديف الزمن ولوقت ما يراعي



صحيح ان الذي يقهر نذالة شخص كنت أهواه
تغير من طرف واحد, صريح ؟ وبس خداعي



شكيت الحال حتى إني إيست من العدل وياه
يـتلــذذ في تعــاذيـبي .. ظلمني دون ماداعي



ألا ياهيه يا ظالم ترى صبري تعدى أحماه
تـرفــق لايـغــرنــك عيوناً سـود ووساعي؟



تـرفــق لا تـناظــرنــي جــريــمه ترتكب بي آه
حقوقي وين أبا ألقاها وأنا من صاب ملتاعي؟



كفايه لاتطالعني .. زيادة جــــرح؟ دون أدواه
مـآبــه إلا يعــذبـنـي وأنـا تكـفـيـنـي أوجاعي



تعبـت اكــرر أحــلامي أمنىِ النفس في لآمـــــآه
تعبت وتعبت أفكاري أصبحت مع السهر راعي؟



تعبـت امني الخافــق عســى مـاضــاع لي نلقاه
لاشك الوقت عيابه ســريــع ومـر بـبـســـاعــي





12-1-1432هـ

[الغريب]

آه بعض الأوادم وضعهم ذا يهيــل
لا بغى منك حاجه حالته عال عـال

يوعدك بالمواعد والكلام الجميــل
قبل يأخذ مراده قمــة فـالجمــال

هــذا واقـع نعيشــه واضـح بالدليل
اصدق إنسان يجحد لاتقولوا محال

شيء عشته حقيقي كنه المستحيل
بس هذا حقيقي ماهو نسج الخيال

مالقـيـت أي صاحـي إلا ناسٍ قليل
في زمنٍ مابه الصاحين إلا إقلال؟

وش أسوي يارامز.. أنا عندك دخيل
وأنت شخص عزيز وشامخٍ كالجبال

خايف العقــل مني ياصديقي يزيــل
ماحفظته في صغري من هموم أليال

شايف الوقت هذا يمجدون البخيل
يلقبـونـه بشـيخٍ لأجــل مال وحلال؟

لعنبـوا شــيخـة تأتي وتبقـى ذلـيـل
ولعنبوا شيخة تشرى بخشم الريال

فزعتك يابن عمي تبري قلبٍ عليل
ولا تْـعذر تراك اليوم مالك مجــال

سنْع الوضع ودحم وأنت فهمك دليل
عارف ماقصدته وأنا ماشي عــدال


من نزف قلمي..
18-1-1432هـ

[الغريب]

.....


حـاولـت أنــام ولكـن البـال مشــغــــول
ولينشغــل بالـك أفــكــارك عـــلايــــل



لا يمكن أن النــوم يـأتــي علـى طـول
للي مثــل وضـعـي بــه الهــم طــايــل



هـم يــراودنـي مـن الحــول للحـــــول
واليــوم أشــوفــه حاضـراً يبن وايـــل



حاولت اخفي ماجـرالي مـــاب آقـــول
لكــن زمـانـي شــفـت منـــه الهـوايــل



عجـزت امشـي حضي اللي تقل غـول
حضـن ردي مـاغـيــر عـايـل ومـايـل



غـديـت كنـي مضـحـك القـوم بهلــول
مـن بعــد مــانــي قـــدوةٍ للــدلايــــــل



من شـاف حـالـي قال وشلون يا حـول
مـاذا جـرالك؟ قـلـت شـفـت الهــزايـل



دنـيا غــريـبه كل يـومٍ بـها إيــهـــــول
تونس هرب من كان صـايــل وجـايـل



عاف الحكم.. قـرر يغادر على طـول
سـلـم لحكـم الشـعـب فـايــل وفــايـــل؟



وحضي ترى مثله عن الخير معـزول
مافـيـه خيــر ولا يجـيــب الجـمــايــل





من نزف قلمي


10-2-1432هـ





.....

[الغريب]

قصيدة مدح بمـديـر متوسطة الإمام محمد بن سعود / فــواز الرويلي وجميع معلميها الكرام.



بـأســـم الــــولــــي نعـــوذ مـــن حـســـــــــاده
مـن كـــل شـــــر مــــوســـــــوسٍ لـعـــــبـــاده


ومـن بـعـــد هـــذا أقـــــــلــت مـــن تـفـكيـــــري
قـصــيــــــدةٍ...شـــــــــــذى العـطــــور أزيـــــادة


قـصـيـــــــدةٍ مــن فـكـــر صــافـــ مـصـــفـــــَى
بـمــــديــرنــا اللــي نـقـتــــدي بــإرشــــــــاده


للمـجـــــد يـطـمــــح .. والعـــلاء فــي فــكـــــره
ومـعــــــه طـمــــوح أفــكــارنــا لمـجـــــــــــــاده


وعـلــى مـســــــاره مـسـنــــــده بـــالشـــــــده
وكــيــلـــنـا الـلـــي بـالـكـــرم لـــــه عـــــــــاده


وطــــاقــــم يِــدرْس نـفــتـــخــر بـجـــهــــــوده
بـالـعـــلــم دايـــم نــــارهـــــم وقــــــــــــــاده


ومــع إزمــــــلاي أنـقـــــدم الـتـقـــــديــــــــري
لمـعــلميـــن الفــصــــــــــــــــل...مــــــــع روَاده


وللمـــرشــــــد اللــي دايــــم يـوجــــــهـنـــــا
للـخـيــــر ينـصــحـــــنـا .. تــقــــــــــول أولاده


قــمــة تــعـــامـــــل مــالـقيـــــنـا مـــثـلـــــه
مـــوجـــز بسـيــطــ إنفــهـــــم النـشـــــــاده


ومــن يـطـــلــب العــلـــم الحـقـيــقــي يتعـــب
مـــن شـــــان يتحــصــــل عـلــــى مـــــــآ رآده



ملاحظة: القصيدة قلتها لحد ابنائي...9-2-1432هـــ

[الغريب]

كـل طـاغـي لـه نهــايــه آلــمــه
.. وأي ظـالــم يـنـتبــه للـي يــــدور


وكـل نفـسٍ للحــريــة حـالـمـــه
.. تنفض أغبار الكـسل مثـل النمـور


ريس تونس قـال أخـر مكـالمــة
.. واختفى من كان في حكمه غرور


هَـذي مصر الناس فيها مسالمه
.. شـعـبها ثايـر مثـل مــوج البحـور


هَــذي عبـرة للحـكـام الظـالـمة
.. وأي شــعـبٍ لاظُِـلــم لازم يــثـور


ياعسى شـعـب الكـنانـة سـالـمه
.. من ســيـاطـ الظــلـم منقتـلٍ وزور


ونحمـد الله فـيه ناسٍ عــالــمـه
.. فـي ديـار العــز نفـحـات الـزهـور




27-2-1432هـ

[الغريب]

ياهـمــوم الليــل عـنــي ابـعــــدي

ليتني كالطفـل مـا يعـرف هـمـوم





كل ماقـلـت أدبـرت جَـت أتعــدي

الفـرح لحـظــات وأحـزانه تـدوم





قـلـت بصبـر بس ماهـو في يَـدي

كيف بقوى الصبر من وقتٍ ظلوم





كنت اضـن الـوقـت يبقـالـي ندي

وحظ مِسْعَـد يوصلـن حد النجـوم





وكنت أضن الحـظ لــيــه مسندي

بـس شـفـتـه نـايـمٍ مثل الـرخـوم





أنـت ياحـظ الفـلـس مـعـيه ردي

دور من يشـريك مـالي بك لزوم





قـال احـبـك لا تحــاول يبعـــدي

حُبنا راسـخ قبل (عصر) الهدوم





قلت قصدك؟ قال بي لا تزهـدي

ماني مفارقـك لا تـزيـد العـلـوم





قلت ياعين الشـقاء بس ارقــدي

يكفي اللي شفت من حظ مهزوم





يا خسـارة يـا خسـارة يجهــــدي

عشرة أعوامٍ على الفاضي نحوم





يُسمـع لقلبـي تقـل جـلــد ابــردي

شـيء واضـح ما تخفْـيه الهـدوم





وكل واحـد بالعمـر لـه مقصدي

وأنا قصدي بالعمر سـتراً يـدوم





:



7-3-1432هـ

.....

[الغريب]

والله إنـي فـرحـت وفـرحتـي بـزديـاد
يوم شفتك على الشاشات قلبي رعـــد

نـور الكون عندي وأنـت نـور البـلاد
وهذا شـعبـك يحـبـك وأنت عــز البـلد

أنت غيثً يغيث اللي يجـي لــه مُــراد
حاجت اللي يجيـلك منجـزه بـلا وعــد

أنت يأبوا اليتامـى.. ياعضيـــد العـباد
كل محـتاج يلقـى تحـت ظــلك ســـند

أنت مافـيه مثـلـه .. خيـرنا منــك زاد
عسـى ربـي يعـــزك ياخـليـفـة فـهــد

فرحت الشعـب فيـكم شيء ماله عداد
داخـل قـلوب شعبك وأنت وجه السعد

موقعــك يامليكي فـــوق كـل الســياد
من شـمال الخـريطـة لين آخـر عــدد

عسى عمرك طويل وكل شرن إبعاد
عنك ياللي لشـعبه غيث لأعطى مـدد

قلت مافي ضمير الشعب حضر وبواد
مـن صغيـراً فـطيــم ومـن كبيراً قعــد

جـعـلـكــم ذخـر دايـم لا تـقـادح زنــاد
يـزبـنــك مـن غـدربــه جـار وإلا ولـد


6-3-1432هـ

[الغريب]

مـــــاذا عســـانـي إن اقــــول
طبــع الـزمــــن دايــــم يهــــول
مبطـــــي يعــانــد فـــرحـتـــي
في داخـلـــي دايـــم يجــــــول


دنـــيا عجــــيــــبـه يــــــا بشـــــر
ســـــاعـــاتها كــــلـــه قـهــــــــر
قـليــــل نلـــقــــى مخـلصـــــيـن
ماغـيــر آهــــــآت وســـهـر


قـالـوا زمن, قلت الصحيح
مافـيـها إنـســانٍ مستــــــريح
ألي حبـيـــبــــه خــــان بــــــه
والي مـــن الفـــرقـــا طـــريـح


ناسٍ تجـي .. نـاسٍ تـروح
وقـلـــوب مـــلـيانـه جـــروح
نضحــك نجـامــل مــــن أتى
وان راح قـــلــنـالــه ســمــوح


يــا دنيـتـي لا تعــــــانــــديــــن
كني في أرجائك ســـجـــــين
مــانــي بخــاضــــع للعـــنــــــــاد
أقــــــولـــــــها لا تحـــــلــمــــين


في داخـــلـــي حــــبٍ كبـيــــر
بس الـــزمـن مــالـه عشيـــر
مــن كثــــر مـابـي قـلـت آه
غـدره على قــلبـي خـطيــــر


يـامــــا في نـفـســي من كــلام
بس اكتمــه خـــوف المــــــلام
مــا ودي اجـرح مـن هـويـت
يمكن يــبــادر بالســـــــــــلام؟


وان مـافـهـــم وش مقـصــــدي
الظــاهــر بنجــــيـه انعــــــدي
بطـش الغـتـــرة والعـــــــقـــال
واقـــول تكـفــــى يَجــــودي؟


ابي انتظـــر يمكــن يـعـــــود
الحــب ما يعـــرف حـــــدود
من كان مخـلــص في غـــــلاه
مـع الـــزمــن حـــبــه يــــــزود




مــن آهــــــآت قــلــمــي

23-3-1432

....

[الغريب]

نقـول الصــدق والله ما نجــامــــل
عظيم الشوق في قــربــك حبسنـي



ترفـق شـوف حبـك كيـف عـامــل
سـجـن عقلي وفكـري ويحـرسـني



عمـل لـي ســجـن والجــلاد يـآمـل
على التـرفيـع كـان انـه فــرســني؟



دروب الغـــدر فـيـنـا لا تعـامــــل
عظيـم الحـب ببحـورك غمســني



ياغـصٍ والثمــــر عـلـيه حــامــل
بعــد ماشــفـتـكم عقـلـي عفسـنـي



جمـال الكـون فيكـم حيـل كامــــل
عيون أوساع والأوصاف حسنـي



نحيــف الخصـر كنه عـود سـامل
عِـــلاج الــهــــم لآمــنـه لمسـني



عفيف الفكر ما هو شخص هامـل
على ما قيـل بشــباكـه مــرســني


تاريخ المولد
17-3-1432هـ

[الغريب]

ول ياقـلـبٍ على الماضي شـغـوف
لأذكــر مـافــات جـريـت العــويـل


مستشيط القلب من كثـر الظـروف
حـايـراً محـتار والحـالــه هــزيــل


أوجس بقلبي مثل ضرب الـدفـوف
لاذكرت أصحاب مع وقــتٍ جميــل


ضاق صدري قمت اصفق بالكفوف
وزاد هـمــي كـل مَـقـبــل زود ليـل


كل يوم(ن)من حلى عمري يطوف
تقــرب المُـدة على وقـت الـرحيـل


تقــرب المُــدة وأنا اناظر واشوف
واقــع(ن) مـاهـو بشـيءٍ مُستحيـل


واقــع(ن)ماهوعلى حالي عطوف
قاسـين والقـلـب مـن دونـه عليــل


كـلنا فـي هالزمـن مثـل الضيـوف
الـرحيــل آتـي ومعــروف الـدليـل


آه ياطعـن الـزمن مثـل السيـوف
كان طحت العـــدل في حقك يميل




صواديف الزمن..
تاريخ المولد
25-3-1432

[راعي الجحلا بدري]

بيض الله وجهيكم اخواني وصح الله السناكم وماهي غريبه اليدوور

وعساكم على القوه

[الغريب]

...

يانسيم الليــل تكفى مر خلي في محله
خبره فيما جرالي بعــد ماقيل مخطوبه


لعنبو حظ الهواوي دايمن فيه ألف عله
مايساعد من تعثر في دروب الحب نوبه


يالله إني في رجاك تساعـد اللي فيه ذلــه
من صواديف الزمان اللي تزايد في عيوبه


والله إني من هموم الوقت عفت النوم كله
والمجالس عفتها والبر مـع لفـحــة هبوبه


من سبب فرقا عشيراً كان سولف ماتمله
الدلع أكثر صفاته والتغنج هو أســلـوبـــه


كان يخطي لكن إن الحــب يــرفـى أي زله
كنت امشي يوم يخطي وتركه غير محسوبه


ادري إن الحب يذبح بس وضعي صعب والله
صرت من فرقا وليفـــي كالأثاث بجنب طوبه


آه مـن غـــدر أليالي لاصفت لك قلت فَــلـه
بس ندري لــوصفت لك كل ماشفته اكذوبه



تاريخ المولد
10-3-2011م.....

[الغريب]

يـانعيــــم الهـم فــي حــالـي سـطا
=مـن عشيــراً آخــذن عقـلـي مـعـاه




صـــارلـي ويــاه يـاخـويـه بـــطا
=أكثــر اسـنيني قـضـت وأنا برجــاه



وكل ماقلـت أعطني لي ما عــطا
=قاسين أقسـى عَـلَي مـن الصــفـاه



ويش أســوي انصحني مابي بطا
=قبل أســوي شـين أتحمــل خــطاه



هـوعـلاج القـلـب لازاح الغَــــطا
=مــالِحـالـي طــب وعــلاجٍ سـواه



افـرح لشـوفـه سـاعة لِـيَـهْ خَــطا
=مـقـبـــلٍ يمـي مثـل ظبـي الفــلاه



يشـبه في مشـيه مثـل مشي القطا
=وبالصدر شـايل مثل بيض القـطاه



وريـح جسـمه تقــل ورد مخلطا
=لاذكــرتـــه يـاصــديـقــي قـلــت آه



أتـوقــع فـــ البسـيـطــه مـاوطــا
=ولاهقـيـت ألقى تحـت قـبـت سماه


.....






28-3-1432هـ



ابوسامي البدري (الغريب).

[الغريب]

ويلك من الله تــرفـق صابني منك اهتــزاز
كل ماجتني رســالـة زاد قلبـي منـك هــــز


أرفــق بحـال الهـواوي شـوف قلــبه كالقــزاز
أنت ياللي لا لمـســته كــن جسـمه خيـط قــز


اشهد ان الجسم كنه سلك من معمل شيراز
الحـرير أصلي طبيعي آه والله بنـت عـــز


ياجميل الخلـق تكفى ارحم اللي فيك عــاز
عـازتي يابنت هـ... عن عنادي تكفـى جز


حبكم داخــل حشـاي وماحد قبلك فيه فاز
ماحـد قبلك في فـؤادي جالسٍ بالقلـب رز


استمع لي تر سببكم حالتي ماهي عــزاز
أنت من نور سمايه والي غيرك عندي طز.





[وباقي البويتات خلينها عندنا ههههه

18-4-1432هـ

[الغريب]

آه من قلب من الماضي جــريح
وكل يوم يزود جـرحـه حيل زود

من عرفنا صاحب الهرج المليح
مايجيني نـوم وهمـومي تـزود

وقلبي المسـكين عـيا يسـتريح
وده بمـن دايـمٍ يـرسـل ورود

الصحيح اللي مابعـده صحيح
أنا أودك مـايبـي هـذا شـهـود

يارفيق الخير تكفى كن صريح
علمن بالصـدق لـو مـافيه فـود؟

صارحي قلب المعنى يافصيح
يكفي اللي شـفت والعالم رقود

لاتصيري ساعـد الوقت القبيح
شوف قلبي صاربه مثل الرعود

18-4-1432هـ

[الغريب]

.....
تعــديـت الحــــدود اللي على العادة بها مَعْــُروف
تعــديــت الحـــدود اللي بهـا مَعْــُروف يا عـالـي؟


تعـديت وتعـديت وتعـديت الحـواجــز شـــوف ؟
مصيري من بعد قطع الصلات اشصار في حالي


تنام الليل لاكني ســـهــرت الليـل يا مـلـقــــوف؟
حلاتك يوم أنادي لك ملقــوفـــه ناظـري حــالي


صحيح إن الهوى بلوى ذبحني ضامر السرجوف
حقيقة صـدق ماشـفـته لاشـك أعَـــرف الازوالي


حسين الدل يغالي؟ على حــالــي أبـيـك أتْـروف
قسم بالله مـن بَعــدَك أحـس إن صـابن أهـبالــي؟


إن أتصدق على كيفك وان تكذب ابكيفك طوف؟
تمشــي في مـتاهــات القـلـوب وعـذبـي بـالــي


نـداي. القلب؟ ياسارق قلوب المرهفـه مشْـيوف؟
نـداي اتْـرجعــي قلـبٍ سـليـبٍ مـعــك عــزالـي


خلاص أبَتـرك الماضي حـلاه ومـرة المعيوف
خلاص أبَــرحــل لحـالي وحيـد ومامعـي والي؟


مثل مـاربي أوجــدني لحـالي يوم أنا ماشــوف؟
أبـرحـــل يــابـعــد نـاسٍ لـها بالكــذب مــوالي


17-4-1432هـ

[الغريب]

كنت اكذب من يقول القلب يعشق لو ما شاف
بس بعـــد اليوم مــؤمـــن إن مــا قـالـوا صــحيح



يالله الخيــره عسـاهــا في يـــومٍ مــا بعـد طــــاف
ياتي مــايفــرج هـمــوم القـلــب في عــلـمٍ صــريح


ياصــديــقٍ خــش قـلـبــي دون أذنٍ ما يـخـاف
فـكــرة الـراقي اسـرني لـو فـي هـرجـه ما يبيح؟


اسـهــر الليــل ونــهاري جـالـــسٍ والقـلب عـاف
كــل مـن غـيــرة بـغــانـي؟ حتى لوجــاني يصيح


ياشـريـك الــروح ؟ بــردي ما يـدفيه اللحاف
الـدفا عطـفــك عـلــيه. بين أيـديـنك نستريح


ضمني ضـمــة حـنــون خــم خـلــه يــوم حـاف؟
قبل لايسـرح سـقـاه الشـهــد مـن مبسـم مليح


أتخـيـل نـظـرتـك وشـلـون لـوعشـنا أحـــلاف؟
أتخيـل كيــف ألمـــــك حتــى لــونــك تـصــيح


لكـن هـالــدنـيا غـريــبه الصدوق أصبح يخاف
غــدر مـن اقـرب قريبٍ يتركك تنزف جريح



تاريخ المولد
13-4-1432هـ
الغريب.

.....

[الغريب]

هـــزقـلبـي مـن كلامـك هـزة أديـار الــيابــان
ارتجف مدري علامِة وش بلا قـلبـي خفيف؟


خــابـرا حـالـي ثقـيــل بـس منـــك صـرت آن؟
اشعر شعور الشقاوي ســاعـة يضـمـه وليف


آه منــك ؟ آه منهــم آه مـن غــــدر الـزمــــان
والله إني يا........... صرت في وضعاً مخيف


ما أتجمــل في رفـيـقــك تـرحمــه قبــل الأوآن
قبــل يرحــل من سماكم وده فـي رداً لطيـــف


لاتكابـر لأتجــاهـــل لأتجـاهـــــل هــالكـــيـــان
أنا من حضـر جـوارك وأنت ليـه مسـتضـيف


الكــرم مـوجـــــود عنــدك بايناً مثل رمـضـان
مــايبـــي لــــه يـالـ .... أي تحليــلٍ ســـخيــف


الكرم أصلك وفصــلك وان مـدحتـك فيك زان
الشِـعـر لآمــن ذكـرتك ينحني لك يـاعــفيــف


لكـن اختمــهـا تجـمــل في رفـيـقـك ياحــــنان
أنت تعرف وش بلايه وأنا من يمك ضعيــف


29-5-1432هـ
ابوسامي البدري(الغريب).

[الغريب]

بـأسم الولي مبداي عن عِبْاده
ومن شر قول الزور مع حسادة

ومن عقب هذا أقول للي جانا
مليون مرحب عطرها بزيادة

بعبدالله الزيدان نعـم الطـاري
الوايلي أصل الكرم بـه عــاده

ماهي غـريـبه يوم تأتي ربعك
قـائـد وربعــك بالمعـارك قــاده

بالطيب مبطـي عارفين أعلومك
منتـه بحـاجـــه مننا بإشــــادة

لكن باقــول اللي بقلبي حـايــر
العِلِمْ ماجـاني, عـــلام الســاده..؟

كـم كـان ودي حـاضراً بـالحفـلة
لمقـابـل اللي يقتـدى بـرشــاده

لكن عـــزانـا ربـعنــا كفــونــا
برشـاد شــيخٍ باخنيـن أمْجـاده

محمـد الفـرحـان مكرم ضـيـفه
الطيـب عنــده زايـداً بزيـــادة

واختم قصيدتي بالكـلام الـوافـي
صـلوا على خيـر البشــر يَعبـاده

أبوسامي البدري(الغريب)
15/6/1432هـ
18/5/2011م

[الغريب]

جرحك أهون من غيابك ياغبـي
بس طعني لا تعاند وش بـــلاك


لاتعاملنــي كــذا مـانـي صــبــي
لاتــراوغ لاتخــادع مــن عنـــــاك


من تصاريفــك معي زادإعجبي
نوب طيب وأحسبك مثل الملاك


ونوب معيه صايرا مانت أعـــــربي؟
أتكلم فــــي كــلام مـــازهــــاك..؟


استمع باقول أنـا خــاب اطـلـبـي
من تصاريفك معـي قــلل حــلاك



قلت احبك واقســم في رب النبي
إنني ماغيـر شخــصك لي هــــلاك



في عيوني شايفك مثـل الظبــــي
الله اكبــر يـاحــــــلاتـــك يـابـهـــاك



من جمـالك طــاح مـابــي وحطبي.؟
طاح ماب الرأس ياشــايــــف غــلاك



حــــدد الوجــهه تــرى زاد إعطبي.؟
واعتبــرني ســـايـح بـقـبة ســمـاك


وفـــ النـهـايــه تكفـى لايخيب اطلبــي
فـيــك تكفــى لاتخــيــب مـــن رجـــاك



23-6-1432هـ
بقلمي
ابوسامي البدري( الغريب)

[الغريب]

الغــــــرام ابلــغ كثيــر من الكــــــلام
ياشبه الــريــم فـي روضٍ وحــيـــــد






في خيالي شايــفــك مثل الغـــمــــام
كنك الغيــــم الــركامي والجلــيــــد.؟






حض من ضمك على صدره أشمام.؟
ياوحيــد الغـيــد يالــزيــن الفـريـــد






مــاذكــرت انــي تلعثمـت بكــــلام
قبل اعرفــك ياراع الراي الرشــيـــد






متى اشــوفـك مطلــق حَـمـَام السلام
بينــنا من دون شــرط ودون قــيــد.؟



بقلمي
الغــــريب

[الغريب]

بـأسم الولي مبداي عن عِـــبْاده
ومن شر قول الزور مع حسادة


ومن عقب هذا أقول للي جانــا
مليون مرحب عطــرها بزيــادة


بعبدالله الـزيـدان نعـم الطـاري
الوايلي أصل الكرم بـه عــاده


ماهي غـريـبه يوم تأتي ربعك
قـائـد وربعــك بالمعـارك قـاده


بالطيب مبطي عارفين أعلومك
منتـه بحـاجـــه مننا بإشــــادة


لكن باقــول اللي بقلبـــي حـايــر
العِلِمْ ماجـاني, عـــلام الســاده..؟


كـم كـان ودي حـاضراً بـالحفـلة
لمقـابـل اللي يقتـــدى بـرشــاده


لكن عـــزانـا ربـعنــا كفــونــا
برشـاد شــيخٍ باخنيـن أمْجـاده


محمـد الفـرحـان مكرم ضـيـفه
الطيـب عنــــده زايـداً بزيـــادة


واختم قصيدتي بالكـلام الـوافـي
صـلوا على خيـر البشــر يَعبـاده



أبوسامي البدري(الغريب)
15/6/1432هـ
18/5/2011م

[الغريب]

ودي بشوف اللي على القلب غالي
الصـاحـب اللي هــرجــتـــه مــاتمــلـه







الصـــاحــــب اللــي بالمحـبـه صـفـالي
شــوفـــه عــلاج لكــل هــمٍ وعـلـه


أنا اشـهـد إني بعـدهـا ضـاق بالي
والكبد كـن بوسـطـها فــوح دلــه


جــدواي تصفيــق اليمين بشــمالي
ولــولا الحــياء كــان المـدامـع نهله


ليته يعرف اللي بعــدهـم جــرالي
مـاكـان يتـركنـي على هيـك مِله.؟


كان انـتـبـه لي لـو بنظـره حــلالي
كان التفت ماســابق البعـد ظـلــه


ويـارب يـاعـالي عـلى كــل عـالي
انــك أتـرجــع صـاحبـي في محـلـه


وان الســعــادة دايمه للـغــــوالي.؟
يقطف أزهاراً شابكاتٍ أمظـــلـه


ويبقــى حبيـبي دوم اول وتـالي
فرحان كنه طفل لاقي هلـن لـه


بقـلـمـي المجروح..
21-7-1432هـ
ابوسامي البدري(الغريب)

[الغريب]

حبكم داخـــل ضميــري مايحــــدده المقاس
والله انه غيــر يتعب من يحــاول له يقيـس


يال.... ماحــد قبــلك في ضميري حيـــل داس
دست شيءً يال.... مــا احــد قبلك فيه ديــس


حبكــــم منــي تمكــن حــب متمكــن بأســـاس
الصراحــة والوضوح بس انته العن إبليــــس..؟


حبـنا عـفـه حقـيـقـي ماهي من حب الخساس
حب عذري .. مايشوبه حكي من قلبه نجيس


حبــنا شــيئاً خــيـالي آه يتعــــدى الحــــواس
حبــنا مـافــيــه مثــله مايعـكـــره الخسـيـــس

لكن انتِ لاتسمــع حـكـي مثــل هالخـســـاس؟
النجوس أهل الوشايه مايعرفون المريــــــس


بقلمي

[الغريب]

يالشامــخ اللي ياحضر يشـــرح الـبـــال
ويبعد همـــوم النفس عــن صـدر ضـايق

هــذاك ويــنــه حـــال مـن دونــه أمـيــال
مـــاهـو قــريـــب ولآتــوصْـــل طـرايـق؟

بعيــــد عنـي والأمـــــل.؟ صـاير أمْـثــال
ياشِــيــن حــضـــي صايـراً عنـك عـايــق

مشيت مع جيل(ن) وعايشت أنا أجيال
مثلك حشـى ماشـفـت بـيــــن الخـلايـــق

لا لا تكبـــر يــوم نـدعـيـــــك يـــــا آل.؟
يكفـيـنــي اللـي داخـلـي مـــن حـرايــق

ولاتجـبــر المضيــوم بـِيـقــول مـــوال.؟
ويفضــح خـفـايا فــايــتات الــدقـايــق.؟؟

واخلي اللي ماعــرف كيـف الاوصَــال؟
يَعرف حقيقت موقف(ن) غير لايـــق؟


بقلمي
12-8-1432هـ

[الغريب]

نشفــق على الطيـب ونفــرح بطــاريــه
وإلا ألــردي مــانــي بشفــقٍ بـــــلامــاه

الخــايـب اللـي وارمـــاتٍ عــــلابـــــــه
اللي عـلــومــه مــآتـعــدىَ شــــفــايـــاه

هـــذاك مـــاودك مـع النـاس تطـتـريـــه
وان حــل ذِكِـــره لاتشــارك بـطـريــــاه

خبـيـث نـفــس ولايـقـــدِر خــطـــاويـــه
أنجـس من الفــأر الــرمــادي ســـواياه؟

يسعى على تشـويه سـمعـتـك يــاهــيــه
ومـن حُــر مــابــه جايب أقـصاه وأدناه؟

يقول فيك الـزور من شـان تشــويــــــه
لـيــتــه يـقــابـلـنـي وأنــا بــآ تَـحـــــــداه

ويرمـي عـليك من المصـايـب بــلاويــه
من نقص عقله يحسب العـالــم أعــــداه

سواق صاير عند من تفتـخــر فــيـــــه؟
الـداخـلـيـة قـــــادتـــه كــنـــه الشـــــاه.؟

ياجـيــت يمـه يـزعـجــك بالمشـــاريــه
يشـــوف نفـســه مـايحـلْـىَ بشــــرواه ؟

الطير الأبــرق قــاصــرة دايــم إيـــديه
يمشي برأي اللي مســك نصـف علْباه؟


17-8-1432هـ

[الغريب]

ياوقت ياقاسي ..ابعدت لي ناسي .. وضيقــت الانفــاســي
والناس مايدرون.

الهم من ربعي .. والحزن من طبعي .. وعشرين مع سبعي
من بعدكم محزون.

الناس تشناني .. والزين خلاني .. والعمر عداني
وش حيلتي يافتون.

يافتون تكفيني .. مابي تخليني .. وترا المغرضيني
على الردأ يسعون.

يسعون تفريقي .. والقلب مايطيقي .. يامعسل الريقي
حنو عَلَي تكفون.

ماشفت وش بيه..أتعبت رجليه..وش عاد بيديه
غير السهر يافتون.

ياكامل الزيني .. وشبك تحديني .. تكفي تخليني
أملا النظر يافتون

وياداعج العيني .. ياكامل الزيني .. مع المسلميني
نبي لنا تدعون.؟

شوفولي اوضاعي .. ولحالنا راعي .. وتراي طماعي
وفي مطمعي تدرون

ويالشامخ الوافي .. ياحلو الاوصافي .. في حالنا رافي؟
مابي مثل فرعون.؟

أبيك متواضع .. ولحقنا خاضع .. وياليت من...؟
وباق الأمر بِيهون

أرجوك تسعَالي .. لاتقول عزالي .. المال من مالي
ماهو ارث قارون ؟

بقلمي
19-8-32

[الغريب]

عــمــــار يـــاديــــرة طــريفـي
خـذنا بها من العمـــر مشـوار


أيـام راحـــــت ســوالـيــفـــي
مثل المطـــر لا قــفـاه أغــبار


دنــيــاك كلــه صـــواديــفـــي
أتْـدمـــــر الخـلـــق بالإعــصـار


نصبـح ونمسي على الحيفي
ماكن في قــومـنــا ســـطــار؟


من عـقـب ماكيفـنا كيـفـي؟
والبيـت مفـتــوح للخـطــــار


في وسطه صفرن مهاديفي
ملـــيانـةً قــهـوةً وبـــــهــــار


والشاي مخَـدْر على الكيفي
مـن ذاق كـأسَـه بـهـا يحـتار؟


بــذراع سـلـوى تواصيفــي؟
يشـرب بــها ضيفــنا والجار


واليوم من الجـارتخـويفــي؟
وكـلٍ مقـفــل عـلـيـه الــدار


وعمـــار يــاديــرة طـريفي
ياليت ذاك الــزمن ينــدار



بقلمي
ابوسامي الغريب

11-2-2011م

[الغريب]

كل ماقـلـته دعــايــه لاجــل اشـوفــك وش تقــول؟
لاجل اعـرف شـعـور قلبك صـوب قـلبــي يامليح



لاتفكــر فـي ضــياعــي كــــان دربــك بــه ميــول؟
عن طــرق الصـــدق تجـحــد بـس خــلك مستريح



قـلـت لك واجـد تَـقَــرَب؟ والقـصه شـرحه يطـول
ياكثــر مـن كــان وده يكحــــي كـــلامٍ فـصـيـــح؟



انـت واحـد كيـف طبعـك, قـسم ان طبعك يهـــــول؟
قلت لك مخلص صدوق ومانطقـت إلا الصحيــــح




روح جعــل الخير فالك, ياعسـى دربك ســهـــول
وانـا رايــح فــي صـوابـــي , بلقالي وجهن فليح




مـن خـلقـت الصـدق فـيني والــوفـاء فيني فـصـول؟
كــل مـاعــرفـه نسـيـتـه مـانـــي انــسانٍ فضـيــح؟



روح حبك قـد دفـنـتـه لـو تســمـع قـلبــي يـجـــول؟
لايهمـك خـــل قلـبـي بالعنـى ينـزف جــــريــــــح




والله اني ما سامحْــــك وبـذكرك لو بعـــد حـــــول؟
حين تلقاني صــويـب في وسـط فــراشــي طـريــح



ويـلك مـن الله يكفــي كـل مـا انتظــــرك تقـــــول؟
تصــدمـن في راي ثاني ليش ؟ مدري ياشــحـيــح




29-4
الغريب ابو سامي البدري

[الغريب]

السلام عليكم ورحمة الله وبركاته
مبارك عليكم العشر الاواخر واسأل الله عز وجل ان تقبل صيامكم وقيامكم وان يعتق رقابنا ورقاب والدينا من النار اللهم امين

عندي مشاركه بسيطه واحببت من الاخوة اعضاء المنتدى الكرام المشاركة فيه

صحيح اني غبت عنكم كثيرا ولكن تبقون في القلب ساكنين

لا اطيل عليكم اريد من الاخوة الكرام الرد على هذه الابيات :



يوم طاب السهر عيت تطيب النفوس ... من متى والبحور تفارق امواجها
لازم نصبر ع وجه الزمان العبوس ... لين سود الليالي يضحك احجاجها
من بغى يقطع الفرحه يعاف الجلوس ... لين ياصل نهايتها ومخراجها
كان شعري قصر ماطال شمس الشموس ... تستريح القصايد داخل ادراجها

طبعا هناك من يتحدى بالرد عليه
فقلت انقلها لكم واشوف ابداعات اعضاء المنتدى

اخوكم ابن وائـــــــــــل



وهذا ردي عليه



جيت من فوق جمسٍ من جديد الجموس ... مايســبب لنفســك هــم وإحـــراجها



مرحبا يابن وايــل , بنــناء ومحمـــوس ... بأرض قفرا ربيع(ن) ماحدن داجها



اقلطـــ الله يحفظك من غـــدر الهيــــوس ... والفــرج بــيـــد ربٍ عالم أعلاجها



من سهر لأجل دينه يحرسه من مجوس؟... بشره في جنانٍ خضــرن امــراجها



وكان سهران ينظر زاهـــيات اللـبــوس ... مثل غمــزت ســميرة جنب دراجها.؟؟



ذاك ضـيــع حــياتــه بيـن ناسً أنجوس ... لــو تجــي لــه ســليمه فكر وعاجها



وأكمل العقل رجل(ن) ما تغره فلــوس؟ ... يـبـذل المــد , سر(ن) دون لجلاجها



ودنـيـتـك يبن آدم كـل أبــوهـــا أدروس ... يفهــم اللي يفكرـ, ويعرف أخراجها

[الغريب]

موقف في النت؟ حصل قبل ساعه
وليس هنا انما في منتدى ثاني.؟




قررت إن اترك خاينا, قولوا على الدنيا السلام
من باعني في ناقــصٍ يـبـقـى بهــالــــدنيا ذليـل


ربي خلقــنــي شـــامــخٍ ماقـــد تتبعـت المــــلام
ماقد خضعت لجاهلٍ بصبر ولو جــرحي عليـــل


ياللي تفـكــر تقهـــرن, باقــول لك هاذا أحــلام
ماهمني مـاب خــاطــرك, وأنا تــرىَ قلبي دليل


اعرف خفايا من حكا حتى إن حكا وقت الظلام
لوهو تخفى فــ الحكي يطلع راع الحكي الرزيل


أمتابعــك ياذالغشيــم مـراقــبــك من قبـــل عام؟
شايف علومك ياغبي من كبرها صارت تهيــل؟


ماني تـرىَ من تجــذبـه غـمـــزه مع رفعة لثام؟
من يوم أنا سني صغير, ربي خلـق عقلـي ثقيل


مالي سـوالـف شـاينه, من فضل ربي ذا وسام
ومن لايصدق , انشــدوا , تلقـون ماقلته جزيل


10-10-1432هـ

[الغريب]

.
الهــــواوي ياعســى ربـي يـعـيـنـه
... في مصـابـه دوم حـاله في خطـــر

دايمـاً مظـلـوم والحـــالـه حــزيــنه
... وان تكـلـم مـات مـن وضعه قهـــر

وكـل كـلمـه قــالــها دايــم تــدينــه
... وان صبر كنه على الجمره صبـر؟

من سـبـايـب مـن تباهــا بكثر زينه
... يوم حـــط الشــال كــن خــده قمر

والـرمــوش اللي تظـلل بـه جبيـنه
... من نظـرهـا راح في غبت بحـــر

ويا وجودي وجد من مطلوب دِينَه
... قاتلــن لــه شخص والعِلم انتشـر

ذاعوا التعميم ,, صار محاصرينه
... لو يفكـر فــ الهـرب مامـن مفـــر

مـايـنـام الليــل والأحــوال شـيـنـه
... والأفــكار أليا غـفـىَ تزيد السهــر

من سبب خل(ن) تواصيفه حسينه
... صـدق العـذال والعشـق النــدمـر

قبل احسب انه معي وسط السفينه
... لو أغْــرت مـارحل لو ينْتحِـــــر؟

لكن الظاهـر طباع أهـل المدينه
... والحضارة غيــرت طـبـع البشر؟

وهـيـه ياللـي بالمواقع عـارفـيـنـه
... وصلــوا لـه عـلـم منـي مع خبـر

بلـغـــوهـــا بـأننـي بـاقـي خـديـنه
... لوصبرت أسـنين ولإ اصبر دهر
14-10-32

[الغريب]

يازيـن هَـدوا, ودنـــا في شــوفــك
نبي نشوفك ماشـي بـلا طــرحـــه

قـلبـي يـودك , أكملوا معــروفــك
وكثرت ترا التأنيب, يـدمي جرحه


ودي بشـوفـك لـوسمحت أظروفك
بشرح لك اللي طالبـيــنٍ شـرحـه


وأبـيـك لاتقسـى تــرانـا ضـيـوفك
فــل الحجاج وبالغــوا بالفــرحــه



مـن شـان قلـبٍ شايفن معروفك
لاتحرمه ويصيـر بـِيـدك ذبْـحـه



يكفي خناجر حضرتك وسيوفـك
هـديـت فـيـها كبـرياه وصرحـه


عايش بحبك لو أنـا ماشـوفــك
ياللي خذيت من الحــواري مـلـحـه



تكفى تجمل وأكملـوا معــروفـك
عالج جروحي لاتصيبن قرحه


تاريخ المولد19-10-1432هـ

[الغريب]

http://dc10.arabsh.com/i/03415/rqecig3gx5ez.gif

http://dc14.arabsh.com/i/03415/ikwv62zk6nld.jpg



زان القصيد وخاطري للشعـر زان
** ونفسي على فخر المواطن عَطوفه






يوم الوطن فرحــه كبيـره لها شـان
** نفرح بهـا والقـلـب ينسـى ظـروفـه






هـــذا وطــنا مـانـبيعـه بالأثـــمــان
** تاج(ن) على روس الخلايق نشوفه







وحنا سـعوديين فالحرب شـجـعـان
** وياللي تعـانـد طــق راسك بطـوفه





حـنا ســعـوديـين يـا ثـار دخـــــان
** كـم مـن خصيمٍ دس عـنا سـيـوفــه






نأخــذ مـن القـرآن للعــدل عنـوان
** والـدين فـينا حافظين(ن) حـروفــه






بقيادة اللي مدتـه تجــلِ الأحـــزان
** أصـدر قراراتٍ تـراهـا أمْـعَـروفـه






ثـبـت وعيـن كـل مـن كان بلشـان
** وساعـد شعوبٍ عايشـه في كلـوفـه






الله يحفظه من صواديف الأزمان
** أبـو اليتـامـى مــا تعــدد اوصـوفــه







بقلمي لوطني


ابوسامي البدري الاشجعي


(الغريب)
23-10-1432هـ

[الغريب]

كنت أحسبـــك مــعــايه صادق يامليح
بس تدري فهمتك خــل عنك المـــزاح



اترك الهرج عنــك والكلام الشحيح
لاتقــولين عنـــدي كل شيٍ مُــبــاح



ليه مَتكون معيه شخص واضح صريح
تسقي اللي طلبكم شــربـت مـن قــــراح



ماهقـيـتــك اتْهاوش..مابغيتك تصيح
كنت أضنك فهيم ولاتعــرف الصــياح



والله اني ســبـبكـم صـــرت منك جريح
من يعالج جروحي وانت زدت الجراح



ويش ذنبي ..تكلم بس أقول أستريح
من سبب ماعملته ساهـــراً للصباح



صرت منك صويب وفي فراشي طريح
آه منك ذبحتن في كـــلام الــرمــــــاح




7-1-1433هـ

[الغريب]

يا جمــالك يــوم شـفـتـك يا حـلاتــك يا جمــيــــل
والله أني من غـلاتــك صــرت بــس أبغــــىَ رضاك

قبل أعرفك كنت عاقل ’كان لي عقــل ثقــــيــــــل
بس من حضرت جـنابك صار عقــلي غيــر ذاك؟

صرت أفكــر فيــك دايم أنت ماغيــــرك بـــديــــل
دايماً فكري معاكـــم كـــل هــــذا مــن غـــــــلاك

لا تفـكـــر يا ولـيـــفــــي بـــدور غيــرك حَليـــل؟
أنت ياشــمعة فـــؤادي , قـلـبـي والله مــاسلاتك

أنت فـيــك الــزيــن كـله بــل جمـالك ذا يـهـيـــل
الشهد بين الشفايف يشفي مـن صـابــه هــلاك

كنت أدور في خفــوقــي شيء يـــودعني دليـــل
في طريق الحُب لأجلك ,ياعسىَ الحــاسد فداك

لكــن الظــاهر زمــاني مـايــبي همي يــزيـــل
مــايـبـيــنـا مــع بـعــضــنـا آهـ مــنك يـاهـــذاك؟

آهـ ياغـــدر اللــــيـالي فــعـلها مــاهــو قـلــيـل
ياكرمها في طعـــوني , بس عايــش في رجــاك

اسـتــمــد الصــبــر مـنْـــك إيه مـنْــك يالخـليـــل
دام أشــوف انك معـايــه مـاعـلــيـه مــن عناك

ارتجي ربي يجـيـبـك تشــفـي القــلـــب العـليـل
حــظ مـن تـلمــس جروحه في يـديــنــك ياملاك

26-1-1433هـ

[الغريب]

مناسبة هذي الأبيات قول احد الأشخاص لي
كم لك في الوظيفة وما سويت رأس مال.؟
فوجهت هذه القصيدة لنفسي ..


يـــا بال, هـــد وخـل عنك التـــفـــاكـــيــر
خــــلك ثقـيـل ولا تخــــيــــب أضــــنـوني

شــامـخ عـــرفـتــك ما تهـــاب المــخـاسير
ومنته مــن اللي للــذهـــب يجـمـعـــونــي

مــاقـــد ذكرت انك جمــعــت الــــدنــانـيـر
يوم(ن) غيــرك بالرصيـــد أزعـــجـــوني

ماكان في جـيـبــك تــقـــل مــلك للغيـــــر
هــذا الــو كـــــــاد وــربعنا يَــعْـــرفـوني

إصرف على مــاتــريــد مـــن دون تفكير
وخــل الردىَ وأهــل الرـدىَ يـكنـــزونــي

مـابـيـك تبــحــــث لــك على أي تـبريــر
خلـيــك شــامــخ فـوق عـــــال المـزونـي

والخير يـذكــر به تــرىَ فـاعـــل الخيــر
وأهــل الــردىَ بفــعــالهــم يـــذكــروني

وآخــــر كــلامــــي لاتحــسب المخـاسيـــر
بــاغيـك شــــامــخ لاتخيب ضـــنــــونــي



29-1-1433

[الغريب]

جميل الخُلـــق من يعـــــرف حدوده
كلامه لاتكلــم شخـــص هـــــــادي

ثقــيــــل الـــروز لآمــنـــه تكلــــم
عزيز التفس في وسط الأعـــــادي

حكيم أليا تكــلــم يعـــرفـــونـــه
كريم الخُلق ماهو شخص عـــادي

يسرك ياحضر والصدر ضايــــق
كلامه شهد ماهو شخص غادي؟

مع خــل(ن) يســــر الـناظــــــرينا
جماله ماذكـــــر وســـط البـــوادي

هـــذاك الله يســعــدلي مســــائــه
ومع الإشراق يوم الصبــــح بادي

صــبـاحــك يــــاولـيـفـي مانمـله
صباحـــــك ياغــــناتي ذاك زادي

لوالزينات صفــــــوهـــم أمــامي
أنا ماشوف غيــــرك يا ودادي.؟

غلاك بداخلي موســع حـــــدوده
وعلى التفكير حبــك حيل سادي.؟

ماشوف إلا أنت في وسط البسيطه
وماطيع النصح حتى ان قيل غادي

**


17-1-1433هـ

[الغريب]

ماذبحني غير غنـجــك يالعنــودي
والجمال اللي على غيـرك يحيـــر



والعيون الناعسه خرسً وســـودي
من نظــــــرهـــا صار في وضـعٍ محير



والخدود اللي لمحته , منك فـــــودي.؟
صـــرت منــها كني الــــريـــش المطـير



ليت وقتي لو بساعـة لي يجــــودي
أبي أشوفك يالغضي وقتً أقــــصــــير



يا وليـفـي يـالغـلا حُـبــك يــــزودي
ومن كثر حُبك ترىَ فكــــــري تحير


حُبك بقلبي مثل حكــم السـعـودي
ثــابـــتً لايـمـكـن بـيـوم إيـتــغـيـــر



حـاكم(ن) قلبي مثـل حـكم اليهــودي
أتحكـــم بــالقـــــــرارات وأتْـخـــــيـــــر


وليت جدك يالغضي يقرب جدودي
كل يوم(ن) يم بـيتـك غيـر أسيـر



مـايردن عـنـك بُعـد ولا حســـودي
ولأعـلـيـه مـن بِـتـفـكيـــره تطـيـــر


واختمـه وأقـول مـــــاودك تجــودي
ترحم اللي صار كالطفـــل الصغيـر



بقلمي

15-2-33هـ

[الغريب]

هلا باللي ذبحني في غــــرامه
..جميل الخُلق يسعـدلي كـلامه

يسر القلب لآمــنــه تبســـم
..وأكون بخير ياجاني سلامـــه

لها فــــ القلب مقداراً رفـيعي
..على غيره بقلبي له عـــلامه

حبيبي حبكم فيني تمكــــن
..أقول الصدق لو جاني ملامه

من العذال لوقالو عـــلامك
..بسد السمع وأقول السلامه

وعن النْصِيحْ لو ينصح ويجهد
..أنا فكري مَـعَ نـازع لِـثامه

يكفي القلب منك يوم رحتي
.. ينوح القلب ياعالي مقامه

حبيب القلب ماغيرك حبيبي
..تبين الصدق هذا آخر كلامه

تروح بعيد او تبقىَ جواري
..غرامك واضح فيني وسامه؟

[الغريب]

أنا اشـــهــد إن الله بحبـــك بـــلآ نن
ويا ليت ربي من زمن بآليْن فيــك


من يوم شفتك ماعرِف ويش جانن
أنام واصـحـي , والفكر منشغل بيك


ولَغـبـت لحـظــه زاد قــلبي حـنانن
ودي معك دايم معك ماسك إيديك


لاشــك حظـي مـايساعد, وخانــن
دايم معاكسني , لو القلب شاريك


حـظـي واعـرفـه يالغلا من زمانن
يمشي بعكس السير, لا جبت طاريك


ويالـيـت ربي .. يـوم حبــك عـطـانن
يعطيني إني يالغضي اقدر أرضيك؟


وآخــذك ليه , والزمن مايعصانن
وتكــون معيــه دوم يامنفتن فيـك

18-4-1433

[الغريب]

بأسم الولي أبدا تماثيل الاشــعـار
**رب المــلا محيي عـظـام(ن) بلـيـه

ومن بعد هذا قلت مـابخـاطري دار
**من فكر راسي ,ماشحذت العطيـه

اليوم بانت يوم صار الــذي صـار
**تـبـينت مـابــه عـلـوم(ن) خـفـيـــه

بين لنا من كان مخـلـص, ومـكار
**وأهـــل الــرديــه بيـنـو يَ.......؟

ومني تحية عطـــرها بُـن وبـهـار
**لـ عيال مخلـد كل يــوم(ن) تحـيــه

وقفاتهــم ماهي خـفــيه ,بـالأنظار
**والجُود ينضـح مـامـلـي مـن ادْلِـيهْ

وقاسـم نعده يوم زوغات الابصار
**ابـو محـمـــد مـايخــلــي خــويـــه

وأبو خلف نعمين من ماكر احرار
**مــذكــور فـيـه الطـيـبه والحـمـيـه

رجــلٍ كــريم ولثقـــيــلات صــبار
**مــاهـو مـن اللي يفتخـر بالـرديــه

ويفـرح لياجاله على البيت خطـــار
**وقليل في هالـوقــت مذكــور زيــه

فــزع لنا يوم الــردي زاد الاعـــذار
**النــادر اللـي مـاتـوصــف احـلـيــه

مثل اشـقـر الجنحـان للريش نـثــار
**وفي مجلسه تلقىَ علـوم(ن) عـذيه

لاشك باقي لي على الفرحه, اصــغار
**بالسجـــن حطــوهــــم ابْليا خــطيه

ورجـواي بالله ثم في واف الاشـبار
**ابو خلـف بالضيــق يـلْحِـق خــويــه





قلتها على عُجالة
لحدث حصل قبل ايام,
والقصيدة قلتها بأشخاص لايتجاوز عددهم
اصابع الايد الواحدة.بالنسبه للهجاء.للتوضيح فقط؟

تنوية:-
ابو خلف هو العقيد/ مفضي عبدالله الخميس
والباقين ابناء العمومه.
.....
الخميس
8-1-1434